ថៃ មានអ្នកស្លាប់ដោយសារជំងឺកូវីដ-១៩ ក្នុងចំនួនកំណត់ត្រា ២ថ្ងៃជាប់គ្នា

មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ ​(CCSA) នៅថ្ងៃពុធនេះ បានរាយការណ៍ មានការឆ្លងចំនួន២,០១២ករណី និងអ្នកស្លាប់ចំនួន១៥នាក់ ពីរថ្ងៃជាប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្លាប់ថ្មីរួមមាន ៩នាក់នៅបាងកក, ២នាក់នៅឈៀងម៉ៃ, ២នាក់នៅសាមុតប្រាកាន, ម្នាក់នៅឈុនបុរី និងម្នាក់នៅរ៉ាណង។

អាយុរបស់អ្នកស្លាប់គឺចន្លោះពី៣៥ដល់៨៨ឆ្នាំ ហើយពួកគេទាំងអស់សុទ្ធតែមានជំងឺរ៉ាំរ៉ៃ។

ស្របពេលជាមួយគ្នានោះ ក្នុងចំណោមករណីថ្មីទាំង២,០១២ករណី គឺមានចំនួន៨៣០ករណីនៅក្នុងទីក្រុងបាងកក បន្ទាប់មក១០៨ករណីនៅឈុនបុរី និង១៦១ករណីនៅសាមុតប្រាកាន។

ទន្ទឹមនឹងនេះដែរ អ្នកជំងឺចំនួន ៨៥១នាក់ បានជាសះស្បើយ ហើយត្រូវបានអនុញ្ញាតឲ្យចេញពីមន្ទីរពេទ្យ។

គួរបញ្ជាក់ថា គិតត្រឹមថ្ងៃពុធនេះ ប្រទេសថៃ មានករណីឆ្លងជំងឺកូវីដ-១៩សរុប ៦១,៦៩៩ករណី ស្លាប់១៧៨នាក់ និងជាសះស្បើយ ៣៤,៤០២នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ថៃ បំបែកកំណត់ត្រា មានអ្នកស្លាប់ច្រើនបំផុតដោយសារកូវីដ និងឆ្លងថ្មី ២,១៧៩ករណី