ព័ត៌មានអន្ដរជាតិ

យ៉ាងហោច ២នាក់ស្លាប់ និង ៧ ០០០នាក់ ត្រូវជម្លៀស ព្រមទាំងបាក់អគារ ១៣ខ្នង ក្នុងគ្រោះរញ្ជួយដីនៅចិន

បានផុស

១ ខែ មុន

នៅ

ថ្ងៃចន្ទ ១៨ ឧសភា ២០២៦

ដោយ

គ្រោះរញ្ជួយដីកម្រិត ៥.២រ៉ិចទ័រ នៅតំបន់ Guangxi ភាគនិរតីប្រទេសចិន ដែលបានកើតឡើងនៅព្រឹកថ្ងៃចន្ទនេះ បានសម្លាប់មនុស្សយ៉ាងហោចណាស់២នាក់ និងបង្ខំជម្លៀសពលរដ្ឋជាង ៧ ០០០នាក់ ក្នុងទីក្រុង Liuzhou ខណៈប្រតិបត្តិការស្វែងរកនិងជួយសង្គ្រោះនៅតែបន្ត ហើយអាជ្ញាធរព្រមានរំខានដល់ការដឹកជញ្ជូន។

ចំនួនអ្នកស្លាប់ទាំងពីរនាក់ត្រូវបានបញ្ជាក់ ប៉ុន្តែម្នាក់ទៀតនៅតែបាត់ខ្លួន ហើយមានមនុស្ស ៤នាក់ត្រូវបញ្ជូនទៅមន្ទីរពេទ្យ ទោះបីជាគ្មាននរណាម្នាក់ក្នុងចំណោមពួកគេមានរបួសធ្ងន់ធ្ងរដល់អាយុជីវិតក៏ដោយ។ នេះបើយោងតាមការចុះផ្សាយរបស់សារព័ត៌មាន CCTV និងទីភ្នាក់ងារសារព័ត៌មានរដ្ឋ Xinhua ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទូរទស្សន៍រដ្ឋ CCTV បានកំណត់អត្តសញ្ញាណអ្នកស្លាប់ថា អ្នកទាំងពីរជាគូស្នេហ៍និងគ្នា បុរសអាយុ ៦៣ឆ្នាំ និងស្ត្រីអាយុ ៥៣ឆ្នាំ។ មិនតែប៉ុណ្ណោះ អគារចំនួន ១៣ បានដួលរលំនៅព្រឹកថ្ងៃចន្ទ។

វីដេអូមួយចេញផ្សាយដោយ CCTV បង្ហាញថាមនុស្សកំពុងរត់គេចខ្លួនចេញពីអគារខ្ពស់ៗ និងគំនរបាក់បែកនៅជាប់នឹងផ្ទះត្រូវបានបំផ្លាញ។ ខណៈអាជ្ញាធរនៅតែត្រួតពិនិត្យហេដ្ឋារចនាសម្ព័ន្ធផ្លូវដែក ដែលរំខានដល់ការដឹកជញ្ជូននៅតំបន់នោះ។

ប្រព័ន្ធផ្សព្វផ្សាយរដ្ឋលើកឡើងថា ការទំនាក់ទំនង ប្រព័ន្ធខ្សែភ្លើង ការផ្គត់ផ្គង់ទឹក ឧស្ម័ន និងចរាចរណ៍នៅក្នុងតំបន់ដែលរងផលប៉ះពាល់នៅដំណើរការធម្មតា៕

សម្រួល៖ ណឺ មិនា