ព័ត៌មានអន្ដរជាតិ

លោក ត្រាំ ទាមទារអ៊ុយរ៉ាញ៉ូមអ៊ីរ៉ង់ដែលចម្រាញ់រួច «ត្រូវប្រគល់ឱ្យអាមេរិក ឬបំផ្លាញចោលនៅនឹងកន្លែង»

បានផុស

២ ខែ មុន

នៅ

ថ្ងៃអង្គារ ២៦ ឧសភា ២០២៦

ដោយ

ខណៈសារធាតុអ៊ុយរ៉ាញូមរបស់ទីក្រុងតេហេរ៉ង់ជាប្រធានបទមួយដែលធ្វើឱ្យុការចរចារវាងសរដ្ឋអាមេរិក-អ៊ីរ៉ង់មិនអាចឈានដល់ការបញ្ចប់សង្រ្គាមជិត៣ខែទៅហើយ ប្រធានាធិបតីសហរដ្ឋអាមេរិក លោក ដូណាល់ ត្រាំ លើកឡើងកាលពី ថ្ងៃចន្ទថា ឃ្លាំងស្តុកអ៊ុយរ៉ាញ៉ូមរបស់អ៊ីរ៉ង់ដែលចម្រាញ់រួចនឹងត្រូវផ្ទេរទៅសហរដ្ឋអាមេរិកភ្លាមៗ ដើម្បីបំផ្លាញចោលឬបំផ្លាញចោលនៅនឹងកន្លែង ឬនៅទីតាំងណាដែលអាចទទួលយក។

យោងតាមភ្នាក់ងារសារព័ត៌មាន Anadolu ផ្សាយថ្ងៃទី២៦ ខែឧសភា ឆ្នាំ២០២៦ លោក ត្រាំ បានសរសេរលើបណ្ដាញសង្គម Truth Social ថា៖ « អ៊ុយរ៉ាញ៉ូមដែលចម្រាញ់រួច (ធូលីនុយក្លេអ៊ែរ (Nuclear Dust!)) នឹងត្រូវប្រគល់ជូនសហរដ្ឋអាមេរិកភ្លាមៗ ដើម្បីនាំយកមកផ្ទះបំផ្លាញចោល ឬប្រសើរជាងនេះទៅទៀត គឺត្រូវរួមគ្នានិងសម្របសម្រួលជាមួយសាធារណរដ្ឋអ៊ីរ៉ង់ បំផ្លាញចោលនៅនឹងកន្លែង ឬនៅទីតាំងដែលអាចទទួលយកបានផ្សេងទៀត ដោយគណៈកម្មការថាមពលអាតូមិកឬសមមូលធ្វើជាសាក្សី ចំពោះដំណើរការនេះ»។

ប្រធានាធិបតីសហរដ្ឋអាមេរិក លោក ដូណាល់ ត្រាំ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិកអះអាងជាយូរមកហើយថា អ៊ីរ៉ង់គួរតែរុះរើកម្មវិធីនុយក្លេអ៊ែររបស់ខ្លួន ហើយបោះបង់ចោលឃ្លាំងស្តុកអ៊ុយរ៉ាញ៉ូមដែលកំពុងចម្រាញ់។

បញ្ហានេះនៅតែជាចំណុចជាប់គាំង អំឡុងពេលការចរចាចុងក្រោយបំផុតនៅប្រទេសកាតា ដែលភាគីទាំងពីរកំពុងខិតជិតដល់កិច្ចព្រមព្រៀងមួយដែលនឹងបញ្ចប់ជម្លោះ និងបើកច្រកសមុទ្រហ័រមូសឡើងវិញបន្តិចម្តងៗ។

ចាប់តាំងពីការចាប់ផ្តើមនៃជម្លោះក្នុងខែកុម្ភៈ លោក ត្រាំ ណែនាំថា សហរដ្ឋអាមេរិកនឹងយក «ធូលីនុយក្លេអ៊ែរ» របស់អ៊ីរ៉ង់ ដើម្បីបំផ្លាញចោល។ ពីមុនលោកក៏បានពិចារណាដាក់ពង្រាយកងទ័ពជើងគោក ដើម្បីដកអ៊ុយរ៉ាញ៉ូមចេញផងដែរ។

ការបង្ហោះសារនេះកើតឡើង ខណៈការចរចាលើកិច្ចព្រមព្រៀងមួយ ដើម្បីបញ្ចប់សង្គ្រាមអាមេរិក-អ៊ីស្រាអែលប្រឆាំងនឹងអ៊ីរ៉ង់ដែលជាប់គាំង កំពុងកាន់តែខិតជិតដល់ទីបញ្ចប់។

កាលពីព្រឹកថ្ងៃចន្ទ មេបញ្ជាការកងទ័ពប៉ាគីស្ថាន លោក Asim Munir បានប្រាប់រដ្ឋមន្ត្រីការបរទេសចិន លោក Wang Yi ថា កិច្ចព្រមព្រៀងរវាងសហរដ្ឋអាមេរិកនិងអ៊ីរ៉ង់ «ជិតឈានដល់ទីបញ្ចប់ហើយ» នេះបើយោងតាមប្រព័ន្ធផ្សព្វផ្សាយរដ្ឋចិន ខណៈទីក្រុងអ៊ីស្លាម៉ាបាដ បានបង្កើនកិច្ចខិតខំប្រឹងប្រែងសម្របសម្រួលរវាងទីក្រុងតេហេរ៉ង់និងទីក្រុងវ៉ាស៊ីនតោន៕

សម្រួល៖ ណឺ មិនា