កីឡា
ក្រុមនារីព្រះខ័នរាជស្វាយរៀង CRS Sport និង ស្រុករមាសហែក រកបាន ៣ ពិន្ទុដូចគ្នា ពានស្វាយរៀងខាប់នារី ក្នុងសប្តាហ៍ទី១
ក្រុមបាល់ទាត់នារី ព្រះខ័នរាជស្វាយរៀង ក្រុម សសយក ស្រុករមាសហែក និងក្រុមនារី CRS Sport រកបាន ៣ ពិន្ទុដូចគ្នាសម្រាប់ការប្រកួតពាន ស្វាយរៀងខាប់នារី លើកទី២ ក្នុងសប្តាហ៍ទី១ កាលពីថ្ងៃអាទិត្យ ទី៣១ ខែឧសភា ឆ្នាំ ២០២៦។
ការប្រកួតធ្វើឡើងនៅទីលានវិទ្យាល័យ ហ៊ុន សែន ស្វាយំពារ វេលាម៉ោង ៨ ព្រឹក ក្រុមនារី ព្រះខ័នរាជស្វាយរៀង បានយកឈ្នះក្រុម សសក ស្រុកកំពង់រោទិ៍ ដោយលទ្ធផល ៤-១។ ៤ គ្រាប់របស់ក្រុមនារី ព្រះខ័នរាជស្វាយរៀង រកបានដោយកីឡាការិនី ៤ នាក់ផ្សេងគ្នាគឺ ឡុង កញ្ញា, កៀង ចន្ថា, សុខ ច័ន្ទកញ្ញា និង ពុធ សុដានីន ខណៈ ១ គ្រាប់របស់ ក្រុមស្រុកកំពង់រោទិ៍ រកបានដោយកីឡាការិនី អុល សិឡេង។
នៅវេលាម៉ោង ១:៤៥នាទីរសៀល ក្រុម សសយក ស្រុករមាសហែក បានឈ្នះ ក្រុមសសយក ស្រុកស្វាយទាប ដោយលទ្ធផល ៣-១។ ៣ គ្រាប់របស់ ក្រុមនារីស្រុករមាសហែករកបានដោយកីឡាការិនី អែត ស្រីនីត, យ៉ន ស្រីណង និង ម៉ៅ ស្រីទូច ខណៈ ១ គ្រាប់របស់ ក្រុមនារីស្រុកស្វាយទាប រកបានដោយកីឡាការិនី គុន សំណាង។
នៅវេលាម៉ោង ៣:៤៥នាទីរសៀល ថ្ងៃដដែល ក្រុមនារី CRS Sport បានយកឈ្នះក្រុមនារី វិទ្យាល័យព្រះពន្លា ដោយលទ្ធផល ៣-១ ដែរ។ ៣គ្រាប់របស់ក្រុមនារី CRS Sport រកបានកីឡាការិនី កេន ម៉ាឡៃ ទាំង ៣ គ្រាប់តែម្តង ហើយបានក្លាយជាកីឡាការិនីដំបូងគេរកបានហែតទ្រីកក្នុងរដូវកាលនេះ។ ចំណែក ១ គ្រាប់របស់ក្រុមវិទ្យាល័យ ព្រះពន្លា រកបានដោយកីឡាការិនី ធាន សុភ័ក្រ។
ឆ្លងកាត់សប្តាហ៍ទី១ ក្រុមនារី ព្រះខ័នរាជស្វាយរៀង មាន៣ ពិន្ទុ ឈរលើកំពូលតារាង ខណៈក្រុមនារី សសយក ស្រុករមាសហែក និង CRS Sport ក៏មាន ៣ ពិន្ទុស្ថិតនៅលេខ ២ និង លេខ ៣។
សូមបញ្ជាក់ថា ការប្រកួត ស្វាយរៀងខាប់នារី លើកទី២ ឆ្នាំ ២០២៦នេះ មានក្រុមបាល់ទាត់នារីចំនួន ៧ ចូលរួមប្រកួតគឺ ក្រុមសសយក ស្រុករមាសហែក, ក្រុម CRS SPORT, ក្រុម សសយក ស្រុកកំពង់រោទិ៍, ក្រុម សសយក ស្រុកស្វាយទាប, ក្រុមព្រះខ័នរាជស្វាយរៀង, ក្ររុម ធូប្រាឌឺ បាវិត, និងក្រុម វិទ្យាល័យព្រះពន្លា។
គណៈកម្មការរៀបចំការប្រកួតស្វាយរៀងខាប់ បាននិងកំពុងរៀបចំកម្មវិធីបាល់ទាត់ជាច្រើននៅក្នុងខេត្តស្វាយរៀង ដើម្បីផ្តល់ឱកាសឲ្យយុវជន យុវនារីបង្ហាញសមត្ថភាព និងចាប់យកក្តីស្រមៃក្លាយជាកីឡាករ កីឡាការិនីអាជីពនាពេលអនាគត។ កម្មវិធីប្រកួតជាច្រើនមានដូចជា ស្វាយរៀងខាប់ ស្វាយរៀងខាប់អាយុ១៣ឆ្នាំ ស្វាយរៀងខាប់អាយុ១៥ឆ្នាំ ស្វាយរៀងខាប់អាយុ១៨ឆ្នាំ ស្វាយរៀងខាប់ស៊ុបភើខាប់ និងស្វាយរៀងខាប់ផ្នែកនារី៕
អត្ថបទ៖ វិរបុត្រ
-
ព័ត៌មានជាតិ១ សប្តាហ៍ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ១៨ ម៉ោង agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន
-
ព័ត៌មានជាតិ២ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoអាមេរិក យក១ដុល្លារ ជួលដីពីអ៊ីស្រាអែល ៩៩ឆ្នាំ ដើម្បីសង់ស្ថានទូតអចិន្ត្រៃយ៍នៅហ្សេរុយសាឡឹម