កីឡា
ស្វាយរៀងខាប់បុរស និងនារី បិទបញ្ចប់ថ្ងៃអាទិត្យនេះ សុទ្ធតែមានប្រាក់រង្វាន់ច្រើន
ការប្រកួតបាល់ទាត់ស្វាយរៀងខាប់បុរសរដូវកាលទី៦ និងនារី រដូវកាលទី១ ឈានដល់វគ្គផ្តាច់ព្រ័ត្រ នៅថ្ងៃអាទិត្យ ទី២ ខែមិថុនា ឆ្នាំ២០២៤ នៅកីឡដ្ឋានខេត្តស្វាយរៀងផ្សាយផ្ទាល់តាម BTV។
ស្វាយរៀងខាប់នារីរដូវកាលទី១
ស្វាយរៀងខាប់នារីរដូវកាលទី១ មានក្រុម៩ចូលរួមប្រកួតដោយបានបែងចែកជាពីរពូល។ បន្ទាប់ពីចប់វគ្គសន្សំពិន្ទុក្នុងពូល ក្រុមលេខ១ និងលេខ២នៃពូលនីមួយៗបានឡើងទៅកាន់វគ្គពាក់កណ្តាលផ្តាច់ព្រ័ត្រ និងបន្តឈានដល់វគ្គផ្តាច់ព្រ័ត្រ។
ក្រុមបាល់ទាត់នារី សសយក ស្រុកស្វាយទាប ត្រូវប្រកួតជាមួយ ក្រុមបាល់ទាត់នារី សសយក ស្រុករំដួល វគ្គផ្តាច់ព្រ័ត្រ ដើម្បីដណ្តើមជើងឯកស្វាយរៀងខាប់នារី រដូវកាលទី១ ឆ្នាំ២០២៤ វេលាម៉ោង២:៣០នាទីរសៀល។
ជ័យលាភី និងប្រាក់រង្វាន់ ស្វាយរៀងខាប់នារី រួមមាន៖
- ម្ចាស់ជើងឯក ទទួលបានពាន១ មេដាយមាស៣៣គ្រឿង និងថវិកា៦លានរៀល
- ជើងឯករង ទទួលបានមេដាយប្រាក់២៨គ្រឿង និងថវិកា៤លានរៀល
- ចំណាត់ថ្នាក់លេខ៣ ទទួលបានមេដាយសំរិទ្ធ២៨គ្រឿង និងថវិកា២លានរៀល
- ក្រុមគោរពវិន័យបានល្អ ទទួលបានពាន Fair Play និងថវិកា១លានរៀល
- ក្រុមអាជ្ញាកណ្តាលល្អ ទទួលបានថវិកា១លានរៀល
- គ្រូបង្វឹកល្អ ទទួលបានពានគ្រូបង្វឹកល្អ និងថវិកា៨០ម៉ឺនរៀល
- កីឡាករទាត់បាល់បញ្ចូលទីច្រើនជាងគេ ទទួលបានពានស្បែកជើងមាស និងថវិកា៨០ម៉ឺនរៀល
- អ្នកចាំទីល្អជាងគេ ទទួលបានពាន និងថវិកា៨០ម៉ឺនរៀល
ស្វាយរៀងខាប់បុរស រដូវកាលទី៦
ការប្រកួតស្វាយរៀងខាប់បុរសរដូវកាលទី៦មានក្រុមចូលរួមប្រកួតចំនួន៤០ក្រុម ដោយត្រូវបានបែងចែកជា៨ពូល។ ក្រុមលេខ១ និងលេខ២នៃពូលនីមួយៗ បានឡើងទៅកាន់វគ្គ១៦ក្រុមចុងក្រោយ និងបន្តការប្រកួតប្រជែងវគ្គ៨ក្រុម និងវគ្គ៤ក្រុម។
ឥឡូវនេះឈានដល់វគ្គផ្តាច់ព្រ័ត្រហើយដែលជាការជួបគ្នារវាង ក្រុមបាល់ទាត់ ស្នងការដ្ឋាននគរបាលខេត្តស្វាយរៀង និង ក្រុមបាល់ទាត់ សសយក ក្រុងបាវិត ដើម្បីដណ្តើមជើងឯកស្វាយរៀងខាប់បុរស រដូវកាលទី៦ វេលាម៉ោង៤:៣០នាទីរសៀល។
ជ័យលាភី និងប្រាក់រង្វាន់ ស្វាយរៀងខាប់ បុរស រួមមាន៖
- ម្ចាស់ជើងឯក ទទួលបានពាន១គ្រឿង មេដាយ២៨គ្រឿង និងថវិកា ២០លានរៀល
- ជើងឯករង ទទួលបានមេដាយប្រាក់ ២៨គ្រឿង និងថវិកា ១០លានរៀល
- ក្រុមលេខ៣ ទទួលបានមេដាយសំរិទ្ធ២៨គ្រឿង និងថវិកា ៥លានរៀល
- ក្រុមលេខ៤ ទទួលបានថវិកា ២,៥លានរៀល
- ក្រុមគោរពវិន័យបានល្អ ទទួលបានពាន Fair Play និងថវិកា ១លានរៀល
- ក្រុមអាជ្ញាកណ្តាលល្អ ទទួលបានថវិកា ១លានរៀល
- គ្រូបង្វឹកល្អ ទទួលបានពានគ្រូបង្វឹកល្អ១គ្រឿង និងថវិកា ១លានរៀល
- កីឡាករទាត់បាល់បញ្ចូលទីច្រើនជាងគេ ទទួលបានពានស្បែកជើងមាស និងថវិកា១លានរៀល
- អ្នកចាំទីល្អជាងគេ ទទួលបានពាន និងថវិកា១លានរៀល
លើសពីនេះក្នុងពិធីបិទការប្រកួតនេះក៏មានកម្មវិធីសិល្បៈបុរាណ របាំគែន សម្តែងដោយក្រុមយុវជន សសយក ខេត្តស្វាយរៀង មកពីស្រុកស្វាយជ្រំ និងតារាចម្រៀងរ៉ែបម្ចាស់បទ «ក្រឡុកទីក្រុង» លោក Zedes ផងដែរ៕
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន