កីឡា

ជើងឯកនារីស្វាយរៀងខាប់ថ្ងៃនេះ ស្មើ១គូ ខណៈ១គូទៀតឈ្នះ៦-០

បានផុស

២ years មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

ការប្រកួតបាល់ទាត់នារីជើងឯកស្វាយរៀងខាប់រដូវកាលទី១ សប្តាហ៍ទី២បានបញ្ចប់ដោយក្រុមនារីវិទ្យាល័យព្រះពន្លា បានត្រឹមស្មើគ្នាជាក្រុមនារីសសយក ស្រុកកំពង់រោទិ៍ និង ក្រុមនារីសសយក ស្រុករមាសហែក យកបាន៣ពិន្ទុពីក្រុមនារីសសយក ស្រុកចន្ទ្រា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវេលាម៉ោង១:៣០នាទីរសៀល ក្រុមនារីវិទ្យាល័យព្រះពន្លា បានស្មើ ២-២ ជាមួយក្រុមនារីសសយក ស្រុកកំពង់រោទិ៍។ ២គ្រាប់របស់វិទ្យាល័យព្រះពន្លា រកបានដោយកីឡាការិនី វង់ សុដានីតា និងកីឡាការិនី ឆាន សុភ័ក្រ ខណៈ២គ្រាប់របស់សសយក ស្រុកកំពង់រោទិ៍ រកបានដោយកីឡាការិនី ផាន វល័ក្ខ និងកីឡាការិនី អុី រស្មី ដូច្នេះមានន័យថា ក្រុមទាំង២ចែកគ្នាម្នាក់១ពិន្ទុ នៅក្នុងពូល “ខ”។

ម៉ោង៣រសៀល ក្រុមនារីសសយក ស្រុករមាសហែក បានយកឈ្នះ ក្រុមនារីសសយក ស្រុកចន្ទ្រា ក្នុងលទ្ធផល ៦-០។ កីឡាការិនី ឈិត សាភឿន រកបាន៤គ្រាប់ កីឡាការិនី កែប ទាន់សម័យ រកបាន១គ្រាប់ និង១គ្រាប់ទៀតជាការចូលទីខ្លួនឯងរបស់កីឡាការិនី តាំង សេរីសុគុណតី។ ដូច្នេះក្នុងសប្ដាហ៍នេះក្រុមនារីសសយក ស្រុករមាសហែក រកបាន៣ពិន្ទុ ឡើងឈរលេខ១ ក្នុងពូល “ខ”៕