ព័ត៌មានអន្ដរជាតិ
លោកប្រធានាធិបតី ចូ បៃដិន សន្យាជួយកសាងហ្គាហ្សាឡើងវិញ
ប្រធានាធិបតីសហរដ្ឋអាមេរិកលោក ចូ បៃដិន កាលពីថ្ងៃសុក្របានសន្យាជួយរៀបចំកិច្ចខិតខំប្រឹងដើម្បីកសាងតំបន់ហ្គាហ្សាឡើងវិញ និងបានបញ្ជាក់ថា ការបង្កើតរដ្ឋប៉ាឡេស្ទីនជាមួយអ៉ីស្រាអែលគឺជាដំណោះស្រាយតែមួយគត់ចំពោះជម្លោះនេះ។
លោក បៃដិន ក៏មានប្រសាសន៍ដែរថា លោកបានប្រាប់ទៅប្រជាជនអ៉ីស្រាអែលឲ្យបញ្ឈប់ការប្រយុទ្ធគ្នាទៅវិញទៅមកនៅតំបន់ប្រឈមក្នុងទីក្រុងយេរ៉ូសាឡឹម។
ទោះបីជាយ៉ាងណា លោកប្រធានាធិបតីអាមេរិករូបនេះបានសង្កត់ធ្ងន់ថា ៖«មិនមានការប្រែប្រួលនៅក្នុងការប្តេជ្ញាចិត្តរបស់ខ្ញុំទេ ការប្តេជ្ញាចិត្តចំពោះសន្តិសុខរបស់អ៉ីស្រាអែល» និងបានបន្ថែមថា ដរាបណា តំបន់នេះមិនទទួលស្គាល់អត្ថិភាពរបស់អ៉ីស្រាអែលច្បាស់លាស់ទេ នឹងមិនមានសន្តិភាពឡើយ។
គំនិតនៃដំណោះស្រាយដែលមានរដ្ឋពីរ ដែលរដ្ឋប៉ាឡេស្ទីនមានអធិបតេយ្យភាពជាមួយអ៉ីស្រាអែល និងយេរ៉ូសាឡឹម ដែលជារដ្ឋរួមគ្នារបស់ពួកគេគឺជាមូលដ្ឋានគ្រឹះនៃការទូតអន្តរជាតិរាប់ទសវត្សរ៍មកហើយដែលមានគោលបំណងបញ្ចប់ជម្លោះអ៉ីស្រាអែល-ប៉ាឡេស្ទីន។
គោលនយោបាយសហរដ្ឋអាមេរិកស្ថិតក្រោមការដឹកនាំរបសើលោក ដូណាល់ ត្រាំ ត្រូវបានគេរិះគន់ថាជាគាំទ្រអ៉ីស្រាអែលយ៉ាងខ្លាំង ប៉ុន្តែព្រងើយនឹងប្រជាជនប៉ាឡេស្ទីនទៅវិញ។
ផែនការសន្តិភាពនៅមជ្ឈិមបូព៌ាត្រូវបានបង្កើតឡើយដោយទីប្រឹក្សា និងជាកូនប្រសារបស់លោក ត្រាំ គឺលោក Jared Kushner ត្រូវបានធ្វើឡើងសម្រាប់ការផ្តល់ដំណោះស្រាយដែលមានរដ្ឋពីរ។ ប៉ុន្តែផែនការនេះត្រូវបានគេមើលឃើញថា រដ្ឋប៉ាឡេស្ទីន មានអធិបតេយ្យភាពមានដែនកំណត់ ហើយអ៉ីស្រាអែលគ្រប់គ្រងជុំវិញសន្តិសុខលើរដ្ឋនោះ។ ផែនការនេះត្រូវបានមេដឹកនាំប៉ាឡេស្ទីនបដិសេធ។
កាលពីថ្ងៃសុក្រ លោក បៃដិន បានទទួចឲ្យមានដំណោះស្រាយរដ្ឋពីរពេញលេញ។
លោកមានប្រសាសន៍ថា ៖«មិនមានការប្រែប្រួលនៅក្នុងការប្តេជ្ញាចិត្តរបស់ខ្ញុំចំពោះសន្តិសុខរបស់អ៉ីស្រាអែលទេ ពេលវេលា គ្មានការផ្លាស់ប្តូរ គឺមិនមានសោះឡើយ។ ប៉ុន្តែខ្ញុំប្រាប់អ្នកពីអ្វីដែលមានការផ្លាស់ប្តូរមួយ។ ការផ្លាស់ប្តូរនោះគឺ យើងនៅតែត្រូវការដំណោះស្រាយដែលមានរដ្ឋពីរ។ វាជាចម្លើយតែមួយគត់ ចម្លើយតែមួយ»៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ