ព័ត៌មានអន្ដរជាតិ
ដល់ពេលនេះ កុមារម៉ាឡេស៊ីជាង៨ម៉ឺននាក់ឆ្លងកូវីដ-១៩
រដ្ឋមន្ត្រីក្រសួងសុខាភិបាល លោក Adham Baba បានដឹងកាលពីថ្ងៃចន្ទ ទី៣១ ខែឧសភាថា រហូតដល់ពេលនេះកុមារម៉ាឡេស៊ី ៨២ ៣៤១នាក់ ត្រូវបានធ្វើតេស្តរកឃើញវិជ្ជមានកូវីដ-១៩។
លោករដ្ឋមន្ត្រីបានបង្ហាញលំអិតពីអាយុនៃកុមារដែលបានឆ្លងទាំងអស់នោះគឺ កុមារដែលមានអាយុក្រោម៤ឆ្នាំមាន១៩៨៥១នាក់។ កុមារអាយុចន្លោះពី៥ទៅ៦ឆ្នាំមាន ៨២៣៧នាក់។ កុមារអាយុចន្លោះពី៧ទៅ១២ឆ្នាំមាន ២៦ ៨៥១នាក់ និងមនុស្សវ័យជំទង់អាយុ១៣ទៅ១៧ឆ្នាំមាន ២៧ ៤០២នាក់។
លោកបញ្ជាក់ថា ទោះបីជាយ៉ាងណា មិនទាន់មានកុមារឆ្លងណាម្នាក់ដែលមានអាការធ្ងន់ធ្ងរខ្លាំងចូលដល់កន្លែងសង្គ្រោះបន្ទាន់ឡើយ។
ដោយបង្ហាញពីកង្វល់ជុំវិញចំនួនកើនឡើង លោកវេជ្ជបណ្ឌិត Adham បានណែនាំឲ្យឪពុកម្តាយ ក៏ដូចជាអាណាព្យាបាលត្រូវតែប្រុងប្រយ័ត្នខ្ពស់ដើម្បីការពារកូនរបស់ពួកគេពីការឆ្លងកូវីដ-១៩ ជាពិសេសត្រូវជៀសវាងទៅកន្លែងដែលមានមនុស្សច្រើន។
លោកថា ទោះជាបីជាមិនមានបទប្បញ្ញត្តិស្ថិតក្រោមច្បាប់ដើម្បីពិន័យឪពុកម្តាយដែលនាំកូនរបស់ពួកគេទៅកាន់កន្លែងដែលមានមនុស្សច្រើន ឯកសារស៊ើបអង្កេតអាចត្រូវបានបើកចំហ។
កាលពីថ្ងៃចន្ទ ប្រទេសម៉ាឡេស៊ីមានករណីឆ្លងកូវីដ-១៩ថ្មីចំនួន ៦៨២៤នាក់ ដែលធ្វើឲ្យចំនួនឆ្លងសរុបឡើងដល់ ៥៧២ ៣៥៧នាក់។
ជាមួយគ្នានេះ ករណីស្លាប់ថ្មី៦៧នាក់ដែលធ្វើឲ្យចំនួនអ្នកស្លាប់ឡើងដល់២៧២៩នាក់ ហើយទន្ទឹមជាមួយគ្នានេះអ្នកជំងឺកូវីដ-១៩កំពុងស្ថិតបន្ទប់សង្គ្រោះបន្ទាន់៨៥១នាក់៕
ប្រែសម្រួល៖ វីរបុត្រ
ប្រភព៖ CNA
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ