ថ្មីទៀត! សាច់ញាតិអ្នកស្លាប់ដោយសារកូវីដ វាយពេទ្យឥណ្ឌា ផ្អើលបន្ទប់ ICU (មានវីដេអូ)

នៅក្នុងឧប្បត្តិហេតុថ្មីមួយទៀត បុគ្គលិកសុខាភិបាលឥណ្ឌា ត្រូវបានគេវាយដំនៅឯមន្ទីរពេទ្យ វិទ្យាសាស្រ្តវេជ្ជសាស្រ្ត Jawaharlal Nehru (JNIMS) ក្នុងស្រុក Imphal East នៃរដ្ឋ Manipur។ មនុស្សពីរនាក់ត្រូវបានឃុំខ្លួន ពាក់ព័ន្ធនឹងការវាយប្រហារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូឃ្លីប បានបង្ហាញពីមនុស្សមួយចំនួនត្រូវជាសាច់ញាតិរបស់អ្នកជំងឺកូវីដ បានបំផ្លិចបំផ្លាញឧបករណ៍នៅក្នុងបន្ទប់ ICU របស់មន្ទីរពេទ្យ JNIMS។

ហេតុការណ៍នេះ ត្រូវបានថតជាប់ក្នុងកាមេរ៉ាសុវត្ថិភាព របស់មន្ទីរពេទ្យ។

យោងតាមរបាយការណ៍បានឲ្យដឹងថា សាច់ញាតិរបស់ស្ត្រីអាយុ ៣៣ ឆ្នាំម្នាក់ដែលបានស្លាប់ដោយសារឆ្លងមេរោគកូវីដ បានបំផ្លាញបន្ទប់ ICU និងកម្ទេចឧបករណ៍ដាក់អុកស៊ីសែន ព្រមទាំងឧបករណ៍ ICU ផ្សេងទៀត។

ប្រភពមួយបានឲ្យដឹងថា “អ្នកជំងឺត្រូវបានបញ្ជូនទៅមន្ទីរពេទ្យកាលពី៣ថ្ងៃមុន ដោយមានជំងឺ កូវីដ ធ្ងន់ធ្ងរ ហើយត្រូវបានណែនាំឲ្យផ្ទេរចូលបន្ទប់ ICU ប៉ុន្តែ សមាជិកគ្រួសាររបស់អ្នកជំងឺបានបដិសេធ” ។ ក្រោយមក អ្នកជំងឺត្រូវបានផ្ទេរទៅបន្ទប់ ICU ប៉ុន្តែបានស្លាប់។

លោកវេជ្ជបណ្ឌិត Kh Lokeshwar Singh អគ្គនាយករងផ្នែកវេជ្ជសាស្ត្រនៅ JNIMS បានប្រាប់ទូរទស្សន៍ India Today ថា រដ្ឋបាលនិងគ្រូពេទ្យ JNIMS បានដាក់ពាក្យបណ្តឹងទៅប៉ូលិស រួចហើយ។

ប៉ូលិសបានឃុំខ្លួនមនុស្សពីរនាក់ពាក់ព័ន្ធនឹងឧប្បត្តិហេតុនេះ។ វាជារឿងអកុសល ដែលបុគ្គលិកសុខាភិបាលជួរមុខ បានក្លាយជាមុខសញ្ញានៃអំពើបែបនេះ បើទោះបីជាពួកគេធ្វើការទាំងយប់ទាំងថ្ងៃដើម្បីជួយសង្គ្រោះប្រជាជន ក្នុងអំឡុងពេលមានជំងឺរាតត្បាតនេះក៏ដោយ៕

វីដេអូ៖

ប្រែសម្រួល៖ Vann Vann

ប្រភព៖ India Today

ចុចអាន៖ ឥណ្ឌាផ្ទុះជំងឺកាចសាហាវមួយទៀត បំផ្លាញសរីរាង្គកុមារ ដែលឆ្លងនិង ជាសះស្បើយពីកូវីដ