ព័ត៌មានអន្ដរជាតិ

របបអាហារផ្ដោតលើរុក្ខជាតិ មិនត្រឹមជួយឲ្យសុខភាពល្អ តែកាត់បន្ថយអាការធ្ងន់ធ្ងរនៃកូវីដបានល្អប្រសើរ

បានផុស

៥ years មុន

នៅ

ថ្ងៃសុក្រ ១១ មិថុនា ២០២១

ដោយ

អ្នកតស៊ូមតិនៃរបបអាហារដែលមានមូលដ្ឋានលើរុក្ខជាតិ តែងណែនាំថា អាហារផ្ដោតលើរុក្ខជាតិច្រើនតែកាត់បន្ថយហានិភ័យនៃជំងឺរ៉ាំរ៉ៃ ដូចជាជំងឺបេះដូងនិងជួយដល់បរិស្ថានច្រើន។ ថ្មីៗការសិក្សាស្រាវជ្រាវបានបង្ហាញថា ពពួកអាហារអស់នេះ អាចផ្ដល់នូវអត្ថប្រយោជន៍សុខភាពមួយផ្សេងទៀត គឺជួយថយចុះនៃភាពធ្ងន់ធ្ងររបស់ជំងឺកូវីដ ១៩ ។

របបអាហារដែលមានមូលដ្ឋានលើរុក្ខជាតិ ត្រូវបានផ្សារភ្ជាប់ជាមួយនឹងការថយចុះ ៧៣ ភាគរយនៃការឆ្លងមេរោគកូវីដ ក្នុងកម្រិតធ្ងន់ធ្ងរទៅមធ្យមនៅក្នុងការស្រាវជ្រាវបានបញ្ជាក់។ របបអាហារទាំងនោះរួមបញ្ចូលត្រី បន្លែ គ្រាប់ធញ្ញជាតិនិងស៊ុត ឬសាច់បក្សី។ ប៉ុន្តែក៏ត្រូវកំណត់ឲ្យបានត្រឹមត្រូវ មិនមែនឲ្យតែអាហារសុខភាពគឺល្អទាំងអស់នោះទេ ហើយត្រូវតែបំបាត់ការហូបសាច់ ទើបអាចផ្សារភ្ជាប់ជាមួយនឹងអត្រាទាបនៃការឆ្លង ៥៩ ភាគរយ។

យោងតាមការសិក្សាបានប្រៀបធៀបទៅនឹងអ្នកដែលញ៉ាំរបបអាហាររុក្ខជាតិ មានជាតិស្ករទាប និងអ្នកដែលមានរបបអាហារមានជាតិកាបូអ៊ីដ្រាតក្នុងកម្រិតជាតិប្រូតេអ៊ីនខ្ពស់ គឺមានការឆ្លងកូវីដជិត ៤ ដង។

ក្រុមអ្នកស្រាវជ្រាវក៏បានបន្ថែមថា របបអាហារដែលមានមូលដ្ឋានលើរុក្ខជាតិ គឺសំបូរទៅដោយសារធាតុចិញ្ចឹម ជាពិសេសសារធាតុគីមី phytochemicals , polyphenols, carotenoids វីតាមីននិងសារធាតុរ៉ែដែលមានសារៈសំខាន់ សម្រាប់ប្រព័ន្ធភាពស៊ាំដែលមានសុខភាពល្អ។ ចំណែកសាច់ត្រីគឺជាប្រភពដ៏សំខាន់មួយនៃវីតាមីន D និងអាស៊ីដខ្លាញ់អូមេហ្គា ៣ ដែលទាំងពីរនេះមានលក្ខណៈប្រឆាំងនឹងការរលាកបានយ៉ាងល្អ។

លោកវេជ្ជបណ្ឌិត Sara Seidelmann ប្រធានសុខភាព Stamford នៅ Connecticut បាននិយាយថា ” លទ្ធផលរបស់យើងបានបង្ហាញថា របបអាហារដែលមានសុខភាពល្អនិងសំបូរទៅដោយអាហារដែលមានសារធាតុចិញ្ចឹមក្រាស់ បានការពារប្រឆាំងនឹងកូវីដបានខ្ពស់មិនធម្មតា ” ។

ទោះយ៉ាងណា លោកបន្ថែមចុងក្រោយថា “ការសិក្សានេះបង្ហាញពីតម្រូវការសម្រាប់ការសិក្សាដែលត្រូវបានរៀបចំឲ្យបានល្អប្រសើរ លើការផ្សារភ្ជាប់គ្នារវាងរបបអាហារ ស្ថានភាពអាហារូបត្ថម្ភ និងលទ្ធផលនៃកូវីដ ១៩ ប៉ុណ្ណោះ ” ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖គួរចៀសវាងអាហារ ៥ ប្រភេទនេះដាច់ខាត បើចង់ឲ្យវ៉ាក់សាំងមានប្រសិទ្ធភាពខ្លាំងក្រោយចាក់ហើយ

ចុចអាន៖របបអាហារសម្រាប់អ្នកជាសះស្បើយពីកូវីដគួរទទួលទាន ដើម្បីជួយពង្រឹងសុខភាពមកដូចដើមវិញ

Related Topics:របបអាហារ