កូវីដ-១៩

របបអាហារសម្រាប់អ្នកជាសះស្បើយពីកូវីដគួរទទួលទាន ដើម្បីជួយពង្រឹងសុខភាពមកដូចដើមវិញ

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

ស្ទើរតែទាំងអស់នៃអ្នកជំងឺកូវីដបានត្អូញត្អែរពីការអស់កម្លាំង ក្នុងអំឡុងពេលឆ្លងនិងក្រោយការជាសះស្បើយ។ ប៉ុន្តែសម្រាប់អ្នកបានជាសះស្បើយហើយ ចាំបាច់ត្រូវមានរបបអាហារដែលមានតុល្យភាព ដើម្បីរក្សាកម្រិតជាតិស្ករក្នុងឈាម និងជំរុញភាពស៊ាំឲ្យឆាប់ងើបឡើងវិញបានលឿនជាងមុនថែមទៀត។

១ ចាប់ផ្ដើមបរិភោគអាហារទាន់ពេល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជារឿងមួយដែលចាំបាច់បំផុតសម្រាប់អ្នកដែលបានជាសះស្បើយពីកូវីដ ត្រូវតែបរិភោគឲ្យបានទាន់ពេលវេលា។ ពួកគេត្រូវធានាថាបានហូបអាហារញឹកញាប់ តែតិចៗ។ តាមរយៈការទទួលទានអាហារតិចៗ អ្នកអាចចៀសវាងកម្រិតជាតិគ្លុយកូសក្នុងឈាម។

២ ទទួលទានអាហារដែលសំបូរទៅដោយជាតិប្រូតេអ៊ីន

អ្នកជាសះស្បើយត្រូវតែរួមបញ្ចូលអាហារដែលសំបូរទៅដោយជាតិប្រូតេអ៊ីនច្រើននៅក្នុងរបបអាហារ។ ប្រូតេអ៊ីនជួយអ្នកជំងឺឲ្យឆាប់ឃ្លាននិងជួយក្នុងការបង្កើនសាច់ដុំឲ្យរឹងមាំ។ អាហារទាំងនោះក៏ត្រូវបញ្ចូលសាច់ដែលមានជាតិខ្លាញ់ទាប ដូចជាសាច់មាន់ ស៊ុត និងត្រីនិងទឹកដោះគោមានជាតិខ្លាញ់ទាប ។

៣ រួមបញ្ចូលផ្លែឈើតាមរដូវកាល

ផ្លែឈើគឺជាប្រភពវីតាមីននិងសារធាតុរ៉ែដ៏សំបូរបែប។ វីតាមីននិងសារធាតុរ៉ែជួយបង្កើនភាពស៊ាំដល់រាងកាយអ្នក។ ផ្លែឈើក៏សំបូរទៅដោយជាតិសរសៃនិងសារធាតុប្រឆាំងអុកស៊ីតកម្ម ដែលជួយធ្វើឲ្យកម្រិតជាតិស្ករក្នុងឈាមមានស្ថិរភាព។ តែក៏មានផ្លែឈើខ្លះដែលអ្នកជាសះស្បើយពីកូវីដ ពុំគួរទទួលទានគឺមាន ចេក ស្វាយ និងល្មុត។

៤ បន្ថែមធញ្ញជាតិទៅក្នុងរបបអាហារជាប្រចាំថ្ងៃ

គ្រាប់ធញ្ញជាតិសំបូរទៅដោយជាតិសរសៃ ហើយវាក៏ជួយធ្វើឲ្យកម្រិតជាតិស្ករក្នុងឈាមមានស្ថិរភាពផងដែរ។ ដូចគ្នានេះផងដែរធញ្ញជាតិទាំងមូលសំបូរទៅដោយវីតាមីននិងសារធាតុរ៉ែចាំបាច់៕

ប្រែសម្រួល៖ សាង ស្រីល័ក្ខ

ប្រភព៖food.ndtv

ចុចអាន៖អ្នកជំនាញប្រាប់ពីរបបអាហារសម្រាប់អ្នកជំងឺកូវីដកម្រិតស្រាល គួរទទួលទានឲ្យឆាប់ជាសះស្បើយរហ័ស

ចុចអាន៖ទទួលទានអាហារពេលព្រឹកទាំងនេះ ដូចផ្ដល់វីតាមីន C ប្រចាំថ្ងៃដល់រាងកាយ និងពង្រឹងភាពស៊ាំអំឡុងកូវីដ