នាយកដ្ឋានសុខុមាលភាព បន្តអនុវត្តភារកិច្ចត្រួតពិនិត្យទិន្នន័យជនអនាថា ក្រោយពេលមានភាពប្រសើរនៃជំងឺ កូវីដ-១៩

មន្ត្រីជាន់ខ្ពស់នៃនាយកដ្ឋានសុខមាលភាពសង្គមនៃក្រសួងសង្គមកិច្ចអតីតយុទ្ធជន និងយុវនីតិសម្បទាបានថ្លែងថា ក្រុមការងារបច្ចេកទេសត្រូវបន្តអនុវត្តភារកិច្ចរៀបចំផែនការអង្កេតរហ័សជនអនាថា ក្រោយពេលមានភាពប្រសើរនៃជំងឺកូវីដ-១៩ឲ្យកាន់តែឆាប់កាន់តែល្អ។

នេះជាការលើកឡើងរបស់លោក ឈួរ សុបញ្ញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសក្នុងកិច្ចពិភាក្សាជាមួយក្រុមការងារបច្ចេកទេសអង្កេតរហ័សជនអនាថាដើម្បីពិភាក្សាលើវឌ្ឍនភាពនិងវិភាគទិន្នន័យនៃការអង្កេតកន្លងមកនៅទូទាំងប្រទេស និងការរៀបចំផែនការអង្កេតបន្តបន្ទាប់ក្រោយពេលភាពប្រសើរនៃជំងឺកូវីដ-១៩ នាថ្ងៃម្សិលមិញនេះ ក្នុងនាយកដ្ឋានសុខុមាលភាពសង្គមរបស់ក្រសួងសង្គមកិច្ចអតីតយុទ្ធជននិងយុវនីតិសម្បទា។

លោក ឈួរ សុបញ្ញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសបានថ្លែងថា ក្រៅពីកិច្ចការអង្កេតរហ័សជនអាណាថា សកម្មភាពក្រុមការងារចុះអង្កេតរហ័សចំពោះជនអនាថា កន្លងមកនិងទិសដៅផែនការជាបន្តចុះជាបន្តបន្ទាប់នោះខាងក្រសួងក៍បានប្រកាសថា បងប្អូនគ្រួសារក្រីក្រ និងងាយរងគ្រោះពិសេសជនអនាថាដែលទទួលផលប៉ះបាល់ដោយសារជម្ងឺរាតត្បាតកូវិដ១៩សូម អញ្ជើញបន្តមកពិនិត្យឈ្មោះឲ្យបានត្រឹមត្រូវនៅតាមមូលដ្ឋានឃុំ សង្កាត់រៀងៗខ្លួនដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាលក្នុងខែនេះនិងខែក្រោយៗទៀត។

ដោយឡែកគ្រួសារឬជនអនាថាដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចពត៏មានខាងលើសូមរួសរាន់មកទំនាក់ទំនងជាមួយអាជ្ញាធរមូលដ្ឋានដែលខ្លួនស្នាក់អាស្រ័យនោះដើម្បីទទួលបានអត្ថប្រយោជន៍ដែលរាជរដ្ឋាភិបាលបានផ្តល់ជូនជៀសវាងភាពមិនប្រក្រតីណាមួយកើតឡើងដោយសារតែការខុសឈ្មោះឬអត្តសញ្ញាណណាមួយនោះ៕

អត្ថបទ ៖ វិមាន