អ្នកវិទ្យាសាស្ត្របង្ហាញពេលវេលាកំណត់ប្រភពដើម កូវីដ

ប្រធានមន្ទីរពិសោធន៍នៃសាកលវិទ្យាល័យរដ្ឋ Novosibirsk និងជាសមាជិកនៃបណ្ឌិត្យសភាវិទ្យាសាស្ត្ររុស្ស៊ី (RAS) លោក Sergey Netesov បាននិយាយថា វាអាចចំណាយពេល ២ ឆ្នាំដើម្បីរកឲ្យឃើញពីប្រភពដើមពិតប្រាកដនៃវីរុសកូវីដ ១៩ ។

លោក Netesov បាននិយាយថា “ខ្ញុំគិតថា វានឹងចំណាយពេលច្រើនខែ មិនមែនមួយថ្ងៃ ប្រហែលជាមួយឆ្នាំ ឬពីរឆ្នាំ ។ មានអ្វីជាច្រើនដែលត្រូវសិក្សា ។ ការពិតគឺថា អ្វីដែលបានកើតឡើងដូចជាវីរុស SARS នេះ គឺជាព្រឹត្តិការណ៍ធម្មជាតិដ៏កម្រមួយ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្ថែមទៀតថា អ្នកឯកទេសនៅក្នុងប្រទេសផ្សេងៗគ្នា កំពុងធ្វើការដោះស្រាយអាថ៌កំបាំងនៃរបៀបដែលវីរុសនេះ បានឆ្លងពីសត្វទៅកាន់មនុស្ស ។

លោក Netesov បាននិយាយថា “ស៊ើបអង្កេតជាមូលដ្ឋានកំពុងដំណើរការនៅក្នុងសហរដ្ឋអាមេរិក ទាក់ទងទៅនឹងការពិត អំពីការសិក្សាចាំបាច់តាមដែលអាចធ្វើទៅបាន លើវីរុសកូវីដ ១៩ ដែលរស់នៅក្នុងសត្វប្រចៀវ និងសត្វចិញ្ចឹមផ្សេងៗ” ។

គួររំឭកថា កាលពីខែមករា អ្នកជំនាញអន្តរជាតិបានធ្វើដំណើរទៅទីក្រុង អ៊ូហាន ជាកន្លែងដែលពួកគេបានពិនិត្យមន្ទីរពិសោធន៍ មន្ទីរពេទ្យ និងទីផ្សារ ដើម្បីរកតម្រុយលើប្រភពដើមនៃវីរុស SARS-CoV-2 ដែលជាវីរុសបង្កឲ្យមានវីរុសកូវីដ ១៩ ។

ទន្ទឹមនោះ អ្នកជំនាញបេសកកម្មរបស់អង្គការសុខភាពពិភពលោក (WHO) បាននិយាយថា ការលេចធ្លាយវីរុសកូវីដ ១៩ ចេញពីមន្ទីរពិសោធន៍មួយនៅទីក្រុង អ៊ូហាន គឺមិនទំនងទេ ។ របាយការណ៍ដែលចេញផ្សាយក្នុងខែមីនាបាននិយាយថា វីរុសថ្មីនេះ ទំនងជាត្រូវបានចម្លងពីសត្វប្រចៀវទៅមនុស្ស និងបន្តតាមរយៈទំនាក់ទំនងរវាងមនុស្ស និងមនុស្ស ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មេ WHO ស្នើអនុវត្តវិធានការ ៥ ចំណុច អំឡុង កូវីដ ជាពិសេសការពារការវាយលុកពីវីរុសបំប្លែងខ្លួន