មេ WHO ស្នើអនុវត្តវិធានការ ៥ ចំណុច អំឡុងកូវីដ ជាពិសេសការពារការវាយលុកពីវីរុសបំប្លែងខ្លួន

ខណៈនេះមនុស្សរាប់លាននាក់នៅលើពិភពលោក នៅតែត្រូវបានស្នើសុំ ឬបញ្ជាឲ្យស្នាក់នៅផ្ទះដើម្បីគេចពីជំងឺឆ្លងកូវីដ ១៩ ។ សម្រាប់មនុស្សដែលកំពុងស្នាក់នៅក្នុងផ្ទះ រួមទាំងអ្នកដែលកំពុងធ្វើការពីផ្ទះ ពួកគេកំពុងចាប់ផ្តើមមានអារម្មណ៍ថាស្មុគស្មាញ ដោយសារសុខុមាលភាពរាងកាយ និងសង្គម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហាខាងលើនេះដែរ ប្រធានអង្គការសុខភាពពិភពលោក (WHO) លោកវេជ្ជបណ្ឌិត Tedros Adhanom Ghebreyesus បានចែករំលែកវិធី ៥ យ៉ាងដល់ប្រជាជនទូទាំងពិភពលោក ឲ្យអនុវត្តដើម្បីរក្សាសុខភាព និងចៀសឆ្ងាយការឆ្លង អំឡុងជំងឺរាតត្បាតកូវីដ ១៩ នេះ ជាពិសេសការពារការវាយលុកពីវីរុសបំប្លែងខ្លួនថ្មី ៖

១. ញ៉ាំអាហារដែលមានគុណភាព សុវត្ថិភាព និងសំបូរទៅដោយសារធាតុបំប៉ន និងជីវភាព ។

២. កំណត់ទៅលើការទទួលទានគ្រឿងស្រវឹង និងបញ្ចៀសភេសជ្ជៈដែលមានជាតិស្ករច្រើន ។

៣. ហាមជក់បារី ព្រោះការជក់បារី អាចជួយបង្កើនគ្រោះថ្នាក់នៃការចម្លងជំងឺកូវីដ ១៩ ។

៤. ត្រូវហាត់ប្រាណឲ្យបានច្រើន ។

៥. ថែរក្សាសុខភាពផ្លូវចិត្តឲ្យបានល្អ ដើម្បីបញ្ចៀសភាពតានតឹងនៅក្នុងអារម្មណ៍ នាអំឡុងពេលនៃការរីករាលដាលនៃជំងឺកូវីដ ១៩ ។

គួរបញ្ជាក់ថា គិតត្រឹមពេលនេះ នៅលើពិភពលោកមានករណីឆ្លងជំងឺកូវីដ ១៩ ជាង ១៨៧ លាននាក់ និងមានអ្នកស្លាប់លើស ៤ លាននាក់ ខណៈអ្នកជាសះស្បើយមានជាង ១៧១ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Redamnet

ចុចអាន ៖ WHO ព្រមានខ្លាំងៗដល់ពិភពលោកកុំទាន់បន្ធូរបន្ថយការរឹតត្បិត ព្រោះកូវីដមិនទាន់ចប់ទេ