រយៈពេល ៧ខែឆ្នាំនេះ កម្ពុជាបាននាំចេញផ្លែស្វាយស្រស់ជាង ១៦ម៉ឺនតោន

ភ្នំពេញ៖ នៅក្នុងរយៈពេល ៧ខែឆ្នាំ២០២១នេះ កម្ពុជាបាននាំចេញផ្លែស្វាយស្រស់ទៅក្រៅប្រទេសមានចំនួន ១៦១ ២២៨,៥៥ តោន មានការកើនឡើងចំនួន ២៤៧,៩២% ក្នុងនោះនាំចេញទៅប្រទេសវៀតណាមច្រើនជាងគេ។

យោងតាមរបាយការណ៍របស់ក្រសួងកសិកម្មរុក្ខាប្រមាញ់និងនេសាទបានឱ្យដឹងថា​ក្នុងចំណោមផ្លែស្វាយស្រស់ ១៦១ ២២៨,៥៥ តោនបាននាំចេញទៅទីក្រុងហុងកុងចំនួន ៥០,៧៨តោន ប្រទេសកូរ៉េចំនួន ១២៤,៣៨តោន ប្រទេសគុយវ៉ែតចំនួន ០,០១ តោន ប្រទេសសិង្ហបុរីចំនួន ១៦,២០តោន ប្រទេសថៃចំនួន ២១ ២១៩,២៨តោន ប្រទេសវៀតណាមចំនួន ១៣៩ ៦០៦,៦៨តោន និងប្រទេសចិនចំនួន
២១១,២២តោន។

ដោយឡែកកម្ពុជាក៏បាននាំដំណាប់ស្វាយមានចំនួន ១៣៥២៤,៥តោន មានការកើនឡើងចំនួន ១៩៤,១៨% បាននាំចេញទៅប្រទេសចិនចំនួន ១១ ០៩៥,៥៩តោន ប្រទេសជប៉ុនចំនួន ៥១២,៥០តោន ប្រទេសកូរ៉េចំនួន ១៤,៥៦តោន ប្រទេសហ្វីលីពីន ចំនួន ៧៣៥,៦៩តោន ប្រទេសថៃចំនួន ១០៦៤,៦១តោនសហរដ្ឋអាមេរិកចំនួន ៨,៥៦តោន ប្រទេសវៀតណាម ចំនួន ៧៦,៨០តោន ចក្រភពអង់គ្លេស ១៦,១៤តោន និងប្រទេសកាហ្សាក់ស្ថានចំនួន០,០៥តោន។

ក្រៅពីនេះកម្ពុជាក៏នាំចេញ ទឹកស៊ីរ៉ូស្វាយមានចំនួន ៤០៦៩,៦២តោនមានការកើនឡើងចំនួន ៧៩,១៦% នាំចេញទៅប្រទេសចិនមានចំនួន១៤៨តោន និងប្រទេសហ្វីលីពីនចំនួន ៣ ៩២១,៦២តោន៕

អត្ថបទ៖ សំអឿន

ចុចអាន៖ កសិករនីន រិទ្ធីចាប់របរចិញ្ចឹមកង្កែប​៥ ឆ្នាំ​ ធ្វើឱ្យជីវភាពធូរធាជាងមុន

ចុចអាន៖ ៧ខែឆ្នាំនេះ កម្ពុជានាំចេញកសិផលទៅក្រៅប្រទេសជាង៥លានតោន កើនឡើងជាង៨៧%