កូវីដ-១៩

រដ្ឋបាលខេត្តស្ទឹងត្រែង ប្រកាសរកឃើញអ្នកឆ្លងកូវវីដចំនួន១៧នាក់បន្ថែមទៀត និងស្លាប់ម្នាក់

បានផុស

៥ years មុន

នៅ

ថ្ងៃពុធ ១១ សីហា ២០២១

ដោយ

ស្ទឹងត្រែង ៖ រដ្ឋបាលខេត្តស្ទឹងត្រែងបន្តរកឃើញអ្នកឆ្លងជំងឺកូវីដ-១៩ចំនួន១៧នាក់ថ្មី បន្ថែមទៀតនិងស្លាប់ម្នាក់ ករណីរកឃើញក្នុងសហគមន៍ភូមិសាស្ត្រខេត្តស្ទឹងត្រែង ថ្ងៃទី១១ ខែសីហាឆ្នាំ២០២១នេះ។

ក្រុមគ្រូពេទ្យបញ្ជាក់ថា ករណីរកឃើញអ្នកឆ្លងជំងឺកូវីដ១៩ កាលពីថ្ងៃទី ១០ សីហា ក្នុងក្រុមគ្រួសារមួយ មានគ្នាបីនាក់ឪពុកម្ដាយ និងកូន មានសភាពធ្ងន់ធ្ងរកូនត្រូវបានស្លាប់នៅថ្ងៃទី ១១សីហានេះ នឹងម្ដាយមានសភាពធ្ងន់ធ្ងរ ក្រុមគ្រូពេទ្យកំពុងធ្វើការជួយសង្គ្រោះបន្ទាន់នៅមណ្ឌលចត្តាឡីស័កកម្រិត ២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមពេទ្យជំនាញបានបញ្ជាក់បន្ថែមថា បន្ទាប់ពីរកឃើញក្រុមគ្រួសារទាំងបីនាក់ឪពុកម្ដាយនិងកូនខាងលើ ក្រុមគ្រូពេទ្យបានបន្តស្រាវជ្រាវរកអ្នកពាក់ព័ន្ធផ្ទាល់និងប្រយោលទាំងយប់ យកវត្ថុសំណាកវិភាគរកឃើញនៅថ្ងៃទី ១១សីហានេះចំនួន ១៧នាក់ថ្មីបន្ថែមទៀត។

រដ្ឋបាលខេត្តសូមអំពាវនាវដល់សាធារណជន បងប្អូនប្រជាពលរដ្ឋទាំងអស់ ដែលបានប៉ះពាល់ផ្ទាល់ ឬប្រយោល ជាមួយអ្នកវិជ្ជមានកូវីដ១៩ខាងលើ ត្រូវនាំគ្នាទៅយកសំណាកវិភាគតេស្តរកមេរោគកូវីដ១៩ជៀសវាងមានការរីករាលដាលទ្រង់ទ្រាយធំ ហើយត្រូវនាំគ្នាបន្តចូលរួមអនុវត្តវិធានការសុខាភិបាល ៣ការពារ-៣កុំ ឲ្យបានខ្ជាប់ខ្ជួនបំផុត ត្រូវពាក់ម៉ាស លាងសំអាតដៃនិងសាប៊ូ ឬអាល់កុល ជាប់ជាប្រចាំ និងរក្សាគម្លាតសុវត្ថិភាព។

គិតត្រឹមម៉ោង ៥:០០ នាទីរសៀលថ្ងៃទី១១ ខែសីហាឆ្នាំ ២០២១នេះ រដ្ឋបាលខេត្តស្ទឹងត្រែងបានរកឃើញអ្នកឆ្លងកូវីដ១៩ សរុប ៥២៩នាក់ ស្រី២៣៨នាក់ជាសះស្បើយ៤៦១នាក់ ស្រី២០៥នាក់កំពុងសម្រាកព្យាបាល ៦៣នាក់ ស្រី៣១នាក់ ស្លាប់៥នាក់៕

ដោយ ៖ ងិនលីម