ព័ត៌មានជាតិ
ក្រសួង សម្រេចប្រគល់សិទ្ធិជូនរដ្ឋបាលរាជធានីខេត្ត បង្កើតមជ្ឈមណ្ឌលទទួលព្យាបាល អ្នកញៀនថ្នាំ
លោក ម៉ែន សុចិត្រ តំណាង លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងថា ចាប់ពីថ្ងៃនេះ ក្រសួងសង្គមកិច្ច បានសម្រេចប្រគល់សិទ្ធិជូនរដ្ឋបាលរាជធានីខេត្ត បង្កើតមជ្ឈមណ្ឌលសម្រាប់ទទួលព្យាបាល និងស្ដារនីតិសម្បទាអ្នកញៀនគ្រឿងញៀនដោយខ្លួនឯង។
លោករដ្ឋលេខាធិការ ថ្លែងបែបនេះ កាលពីព្រឹកថ្ងៃទី២៣ ខែតុលា ឆ្នាំ២០២០ ខណៈពេលតំណាង លោក វង សូត អញ្ជើញជាអធិបតី ដឹកនាំកិច្ចប្រជុំ ពិភាក្សា ពិនិត្យ និងសម្រេច លើសេចក្ដីព្រាងប្រកាស ស្ដីពីការប្រគល់សិទ្ធិជូនរដ្ឋបាលរាជធានីខេត្ត បង្កើតមជ្ឈមណ្ឌលសម្រាប់ទទួលព្យាបាល និងស្ដារនីតិសម្បទា អ្នកញៀនគ្រឿងញៀន នៅទីស្ដីការក្រសួង។
ក្នុងនាមតំណាង លោករដ្ឋមន្ត្រី វង សូត នោះ លោក ម៉ែន សុចិត្រ បានថ្លែងថា ជាការពិតណាស់ទិសដៅរបស់ក្រសួងសង្គមកិច្ច ដោយអនុវត្តតាមគោលនយោបាយរបស់រាជរដ្ឋាភិបាល បានជំរុញលើការបណ្ដុះបណ្ដាលជំនាញផ្សេងៗ ក៏ដូចការលើកកម្ពស់ជីវភាពរបស់បងប្អូនជនពិការ កុមារ និងជួយព្យាបាលអ្នកញៀនថ្នាំ តាមរយៈគ្រប់សាខាមូលនិធិជនពិការ និងមជ្ឈមណ្ឌលនៅទូទាំងប្រទេសមិនទុកឲ្យបងប្អូនណាម្នាក់នៅឯកាឡើយ។
លោករដ្ឋលេខាធិការ បានថ្លែងថា បងប្អូនជនពិការ កុមារកំព្រា អ្នកញៀនថ្នាំ តែងតែទទួលបានការគិតគូរខ្ពស់របស់រាជរដ្ឋាភិបាល ដោយថែទាំព្យាបាល តាមរយៈក្រសួងសង្គមកិច្ច និងអំណោយជួយឧបត្ថម្ភជាបន្តបន្ទាប់ពីសប្បុរសជន។ បន្ថែមពីនោះ ក៏ដូចរដ្ឋាភិបាលរបស់ប្រទេសអូស្ត្រាលី តាមរយៈកម្មវិធីAccess ដែលឧបត្ថម្ភនូវសម្ភារៈការពារទាំងនេះ ដល់មជ្ឈមណ្ឌលជនពិកា អ្នកញៀនថ្នាំ តាមបណ្តាខេត្តរាជធានី ដែលកន្លងមកនេះ ធ្លាប់បានជួយឧបត្ថម្ភចំនួន៣មជ្ឈមណ្ឌលរួចមកហើយ និងបន្តផ្តល់ជូនមជ្ឈមណ្ឌលផ្សេងទៀតនាពេលខាងមុខ៕
អត្ថបទ ៖ វិមាន
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម៩ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ