តាលីបង់ ទុកពេល ៧ ថ្ងៃឲ្យ អាហ្វហ្គានីស្ថាន ប្រគល់អាវុធ អ្នកបដិសេធត្រូវកាត់ទោស

ក្រុមតាលីបង់កាលពីថ្ងៃសុក្របានបញ្ជាឲ្យអ្នកដែលនៅតែកាន់កាប់កាំភ្លើង គ្រាប់កាំភ្លើង និងរថយន្តរដ្ឋាភិបាលនៅទីក្រុងកាប៊ុល ត្រូវប្រគល់ឲ្យពួកគេក្នុងរយៈពេលមួយសប្តាហ៍ ហើយបើបដិសេធប្រឈមនឹងការដាក់ទណ្ឌកម្ម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យតាលីបង់លោក Zabihullah Mujahid បានសរសេរនៅលើបណ្ដាញសង្គម Twitter ថា “នៅក្នុងទីក្រុងកាប៊ុល អ្នកដែលមានយានជំនិះដឹកជញ្ជូន អាវុធ គ្រាប់កាំភ្លើង និងទំនិញផ្សេងទៀតរបស់រដ្ឋាភិបាល ត្រូវប្រគល់ដោយស្ម័គ្រចិត្តទៅឲ្យអាជ្ញាធររដ្ឋឥស្លាមរបស់តាលីបង់ ក្នុងរយៈពេលមួយសប្តាហ៍”  ។

ទន្ទឹមនោះលោកបានព្រមានអ្នករំលោភបំពានថា ពួកគេនឹងត្រូវកាត់ទោស ប្រសិនបើរកឃើញថាមានកាន់កាប់វត្ថុទាំងនោះ ។

គួរបញ្ជាក់ថា ទីក្រុងកាប៊ុលបានធ្លាក់ទៅលើដៃក្រុមតាលីបង់កាលពីថ្ងៃទី ១៥ ខែសីហា បន្ទាប់ពីប្រធានាធិបតីលោក Mohammad Ashraf Ghani បានភៀសខ្លួនចេញពីប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តាលីបង់ លួងលោមបុគ្គលិកសុខាភិបាលជាស្ត្រីវិលត្រឡប់មកធ្វើការវិញ ហើយធានាមិនបង្កការរំខានណាមួយឡើយ