ព័ត៌មានជាតិ
បិទការទស្សនាប្រាសាទភិមានអាកាស ផ្នែកខាងលិច ដើម្បីជួសជុល ក្រោយពីពិនិត្យឃើញមានការទ្រុឌទ្រោម
អាជ្ញាធរជាតិអប្សរា បានសម្រេចបិទការឡើងចុះទស្សនាតាមផ្នែកខាងលិច នៃប្រាសាទភិមានអាកាស ដែលស្ថិតនៅក្នុងបរិវណអតីតព្រះរាជវាំងក្រុងអង្គរធំ ជាបណ្តោះអាសន្ន ដើម្បីធ្វើការជួសជុល ក្រោយពីពិនិត្យឃើញមានការទ្រុឌទ្រោម ហើយការជួសជុលធ្វើឡើងដោយក្រុមជំនាញចិន ក្នុងក្របខណ្ឌអាយស៊ីស៊ីអង្គរ ហើយប្រើប្រាស់អ្នកបច្ចេកទេសកម្ពុជា នេះបើតាមការបញ្ជាក់ពីមន្ត្រីជាន់ខ្ពស់ក្រសួងវប្បធម៌។
សេចក្តីជូនដំណឹងរបស់អាជ្ញាធរជាតិអប្សរា ដែលទើបទទួលបាននៅថ្ងៃទី០២ ខែកញ្ញា ឆ្នាំ២០២១នេះ ផ្ញើជូនអ្នកពាក់ព័ន្ធបានឲ្យដឹងថា បច្ចុប្បន្នប្រាសាទភិមានអាកាស ដែលស្ថិតនៅក្នុងបរិវេណអតីតព្រះរាជវាំងក្រុងអង្គរធំ កំពុងមានសភាព ទ្រុឌទ្រោមប្រឈមហានិភ័យខ្ពស់ដោយសារកត្តាអាយុកាល និងធម្មជាតិ។ ដោយសង្កេតឃើញពីបញ្ហាចំពោះមុខនេះ ក្រុមអ្នកជំនាញអាជ្ញាធរជាតិអប្សរា បាននឹងកំពុងសិក្សាលើចំណុចប្រឈមនានា ដើម្បីលើកគម្រោង សម្រាប់ការងារជួសជុលបន្ទាន់។
ក្នុងន័យដើម្បីសម្រួលការងារនេះ ក៏ដូចជាដើម្បីជៀសវាងគ្រោះថ្នាក់ ជាយថាហេតុ ដល់ភ្ញៀវទេសចរជាតិ-អន្តរជាតិ និងសាធារណជនទូទៅ អាជ្ញាធរជាតិអប្សរា សម្រេចបិទការឡើងចុះទស្សនាប្រាសាទភិមានអាកាសតាមច្រកផ្នែកខាងលិចជាបណ្តោះអាសន្ន គិតចាប់ពីថ្ងៃទី០១ ខែកញ្ញា ឆ្នាំ២០២១តទៅ រហូតដល់ការដ្ឋានត្រូវបានជួសជុលរួចរាល់។
ទាក់ទងបញ្ហានេះ លោក ស៊ុំ ម៉ាប់ រដ្ឋលេខាធិការក្រសួងវប្បធម៌ និងវិចិត្រសិល្បៈ បានថ្លែងប្រាប់កម្ពុជាថ្មីនារសៀលថ្ងៃទី០២ ខែកញ្ញា នេះថា នៅប្រាសាទភិមានអាកាសនេះមានហានិភ័យខ្ពស់ ហើយពីមុនក្រុមការងារជំនាញរបស់អាល្លឺម៉ង់ និងជប៉ុន ធ្លាប់បានធ្វើការស្រាវជ្រាវម្តងហើយ ដើម្បីធ្វើការជួសជុល។ តែក្រោយនេះ ក្រុមអ្នកជំនាញខាងប្រទេសចិន ជាអ្នកជួសជុល នៅក្នុងក្របខណ្ឌអាយស៊ីស៊ី-អង្គរ ICC-Angkor (គណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរ) ដោយប្រើប្រាស់អ្នកបច្ចេកទេសកម្ពុជា។
លោកបញ្ជាក់ថា ការសម្រេចជួសជុលនេះ ដោយសារតែប្រាសាទនេះមានបញ្ហាទ្រុឌទ្រោមយ៉ាងខ្លាំង ហើយមានហាភ័យខ្ពស់ ដោយកន្លងមកធ្លាប់ធ្លាក់ថ្ម និងមានបញ្ហាជាច្រើនទៀត ហើយកិច្ចសហប្រតិបត្តិការជាមួយខាងចិននេះ បានចុះហត្ថលេខារួចហើយ៕
ដោយ ៖ កោះកែវ
-
ព័ត៌មានជាតិ៧ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៤ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ២២ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ២ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៦ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៦ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ