ព័ត៌មានជាតិ

ចូលខ្លួនសុំទោស ប៉ុន្តែបុរសខមិនលើផេកសម្តេចតេជោ នៅទទូចស្នើសុំប្រាក់ការងារនៅសល់

បានផុស

៤ years មុន

នៅ

ថ្ងៃអាទិត្យ ២៤ តុលា ២០២១

ដោយ

បុរសម្នាក់ដែលមានឈ្មោះ ប៉ុល រតនា បានចូលខ្លួនធ្វើការសុំទោស ក្រោយបង្ហោះព័ត៌មានតាមបណ្តាញសង្គមស្នើឲ្យមានអន្តរាគមន៍ពីប្រមុខរដ្ឋាភិបាលសម្តេចតេជោ ហ៊ុន សែន ក្រោយទទួលបានគម្រោងសាងសង់អគារពិសោធន៍របស់ក្រសួងសាធារណការ ដោយមិនទាន់បានប្រាក់នៅសល់។

បុរសរូបនេះកាលពីថ្ងៃទី៧ ខែតុលា ឆ្នាំ២០២១ បានសរសេរខមមិន(Comment) ចូលក្នុងផេកហ្វេសប៊ុក (Facebook Page) សម្តេចតេជោ ហ៊ុន សែន ដោយសារក្រោយពេលបញ្ចប់ការជួសជុលអគារមន្ទីរពិសោធន៍ដែលស្ថិតនៅក្រោមការគ្រប់គ្រងរបស់ក្រសួងសាធារណការនិងដឹកជញ្ជូន ប៉ុន្តែមិនទាន់ទទួលបានប្រាក់ ២៥ ភាគរយចុងក្រោយ និងប្រាក់បន្ថែមការងារក្រៅនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែក្រោយមានការជួបជាមួយមន្រ្តីក្រសួងសាធារណការ បុរសរូបនេះទទួលស្គាល់ថាជាការយល់ច្រឡំលើការធ្វើកិច្ចសន្យាសាងសង់។

បុរសរូបនេះបញ្ជាក់ថា តាមពិតអ្នកដែលបានធ្វើកិច្ចសន្យាសាងសង់ជាមួយលោកគឺជាក្រុមហ៊ុនឯកជនមួយដែលម៉ៅការ បន្តពីក្រសួងសាធារណការ និង ដឹកជញ្ជូន។ យ៉ាងណាមិញ បុរសរូបនេះបានស្នើឲ្យក្រសួង ជួយសម្របសម្រួលអញ្ជើញក្រុមហ៊ុនមកដោះស្រាយបញ្ហាដែលក្រុមហ៊ុនមិនទាន់ទូទាត់ប្រាក់២៥ភាគរយតាមកិច្ចសន្យា រួមទាំងការងារបន្ថែមក្រៅដែលជាប្រាក់ចុងក្រោយ បន្ទាប់ពីបានបញ្ចប់ការងារ៕