ព័ត៌មានអន្ដរជាតិ

វេជ្ជបណ្ឌិតប្រឆាំងវ៉ាក់សាំង៧នាក់ឆ្លងកូវីដ បន្ទាប់ពីចូលរួមប្រជុំរឿងវ៉ាក់សាំង

បានផុស

៥ years មុន

នៅ

ថ្ងៃពុធ ២៤ វិច្ឆិកា ២០២១

ដោយ

វេជ្ជបណ្ឌិតដែលប្រឆាំងនឹងវ៉ាក់សាំង៧នាក់បានធ្លាក់ខ្លួនឈឺ បន្ទាប់ពីជួបជុំគ្នាក្នុងកិច្ចប្រជុំកំពូលមួយកាលពីដើមខែវិច្ឆិកានេះនៅរដ្ឋហ្លរីដា និងបានពិភាក្សាគ្នាពីជម្រើសព្យាបាលកូវីដ-១៩។

លោកវេជ្ជបណ្ឌិត Bruce Boros បានប្រាប់អ្នកចូលរួមក្នុងកិច្ចប្រជុំនៅមជ្ឈមណ្ឌល World Equestrian Center ក្នុងទីក្រុង Ocala ថា ៖«ខ្ញុំបានប្រើថ្នាំ Ivermectin រយៈពេល១៦ខែហើយទាំងប្រពន្ធ និងខ្ញុំ។ ខ្ញុំដូចជាមិនមានសុខភាពល្អប្រសើរទេក្នុងជីវិតខ្ញុំ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិតឯកទេសជំងឺបេះដូងអាយុ៧១ឆ្នាំ និងជាអ្នកតស៊ូមតិប្រឆាំងនឹងការចាក់វ៉ាក់សាំងបានឆ្លងកូវីដ-១៩ពីរថ្ងៃក្រោយ។ នេះបើយោងតាមលោកវេជ្ជបណ្ឌិត John Littell ប្រធានរៀបចំកិច្ចប្រជុំ។

លោក Littell ដែលជាគ្រូពេទ្យគ្រួសារនៅទីក្រុង Ocala ម្នាក់បានប្រាប់សារព័ត៌មាន Daily Beast ថា វេជ្ជបណ្ឌិត៦នាក់ទៀតក្នុងចំណោមអ្នកចូលរួមកិច្ចប្រជុំ៨០០ទៅ៩០០នាក់បានធ្វើតេស្តរកឃើញវិជ្ជមានកូវីដ-១៩ ហើយរោគសញ្ញាកំពុងមានការវិវត្តក្នុងរយៈពេលប៉ុន្មានថ្ងៃក្រោយប្រជុំ។

លោក Littell បាននិយាយពីការលើកឡើងដែលកិច្ចប្រជុំគឺអាចឆ្លងរាលដាលខ្លាំង ប៉ុន្តែបានច្រានចោល។

លោកក៏បាននិយាយដែរថា ៖«អ្នករាល់គ្នាបានព្យាបាលដោយថ្នាំ ivermectin ។ លោក Bruce កំពុងដំណើរការល្អ»។ ទោះជាយ៉ាងណា កាសែត Beast បានផ្សាយដោយស្រង់សំដីអ្នកជិតដិតថា លោក Boros កំពុងឈឺធ្ងន់នៅផ្ទះក្នុងតំបន់ Key West។

Ivermectin គឺជាថ្នាំប្រឆាំងនឹងប៉ារ៉ាស៊ីតដែលប្រើក្នុងមនុស្ស ប៉ុន្តែត្រូវបានគេប្រើជាចម្បងនៅក្នុងបសុសត្វដូចជាគោ និងសេះជាដើម។ អាជ្ញាធរនិយាយថា វាគ្មានប្រសិទ្ធភាពទេដែលប្រើប្រឆាំងនឹងកូវីដ-១៩ តែផ្ទុយទៅវិញអាចគ្រោះថ្នាក់។ រដ្ឋបាលចំណីអាហារ និងឱសងអាមេរិកមិនងានអនុញ្ញាត ឬអនុម័តឲ្យប្រើថ្នាំ ivermectin ដើម្បីព្យាបាលជំងឺកូវីដទេ៕

ប្រែសម្រួល៖ វីរបុត្រ
ប្រភព៖ theguardian

Related Topics:កូវីដ-១៩