ព័ត៌មានជាតិ

ដីច្រាំងទន្លេនៅសង្កាត់ច្បារអំពៅទី២កំពុងត្រូវប៉ាន់

បានផុស

៥ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

ភ្នំពេញ ៖ ចាប់តាំងពីសាលារាជធានីភ្នំពេញ រៀបចំធ្វើច្រាំងទន្លេបាសាក់ចាប់ពីគល់ស្ពានព្រះមុនីវង្សចាស់ដល់តំបន់កោះពេជ្ររួចមក ស្រាប់តែហាងឆេងដីហក់ឡើងខ្ពស់ ហើយអ្នកចុះមកទិញសុទ្ធសឹងជាពាណិជ្ជកររស់នៅទីក្រុងភ្នំពេញតែម្តង។

តាមប្រភពពីប្រជាពលរដ្ឋរស់នៅតំបន់ច្រាំងទន្លេ(ច្រាំងបាក់)បានប្រាប់កម្ពុជាថ្មីនៅថ្ងៃទី២៩ ខែវិច្ឆិកានេះថា ពិតជាមានពាណិជ្ជករល្បីៗបានឲ្យកូនចៅចុះមកទិញដីជួរដងទន្លេប្រាកដមែន។ ហើយបានថ្លៃទៀតផង។

លោក មិម ថារិទ្ធ បានប្រាប់ពីតម្លៃដីដែលពីមុនមក១ម៉ែត្រការ៉េ ត្រឹម៣០ដុល្លារ តែពេលនេះបានរហូតដល់១៥០០ដុល្លារ។

ដោយឡែកមន្ត្រីសង្កាត់ច្បារអំពៅទី២វិញ បានប្រាប់កម្ពុជាថ្មីថាពិតជាពាណិជ្ជករនិងអ្នករកស៊ីគក់ជេដីចុះមកទិញដីដូចហែកឋិនបន្ទាប់ពីសាលារាជធានីភ្នំពេញបើកការដ្ឋានស្ថាបនាច្រាំងនា ខែមីនា ឆ្នាំ២០២១មក។

គួរបញ្ជាក់ថា ទីតាំងដីដែលកំពុងមានហាងឆេងនេះ គឺស្ថិតនៅទល់មជ្ឈមណ្ឌលកោះពេជ្រជួរដងទន្លេបាសាក់។ហើយការស្ថាបនាច្រាំងគឺចាប់ពីគល់ស្ពានព្រះមុនីវង្សក្នុងសង្កាត់ច្បារអំពៅទី២ដល់តំបន់កោះនរា ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ៕

ដោយ ៖ នរា