អ្នកល្មើសច្បាប់កូវីដនៅចិន ទទួលការដាក់ពិន័យ ឲ្យធ្វើរឿងដ៏អាម៉ាស់

ប៉ូលិស​នៅ​ភាគ​ខាង​ត្បូង​ប្រទេស​ចិន បានបង្ខំឲ្យមនុស្ស៤នាក់ដើរដង្ហែជាសាធារណៈយ៉ាងអាម៉ាស់ ដោយសារតែពួកគេល្មើសនឹងច្បាប់រឹតត្បិតជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកទាំងបួន ត្រូវបានចោទប្រកាន់ពីបទរត់ពន្ធមនុស្សឆ្លងកាត់ព្រំដែនប្រទេសចិន ដែលត្រូវបានបិទជិតដោយសារតែជំងឺកូវីដ១៩។

ពួកគេត្រូវបានដង្ហែតាមដងផ្លូវនៃទីក្រុង Jingxi ក្នុងខេត្ត Guangxi ដោយមានពាក់ឈុតការពារបិទជិត។ ពួកគេក៏មាន​កាន់​បដាដែល​បង្ហាញ​ឈ្មោះ និង​រូបថត​របស់​ពួកគេផងដែរ។

ទោះបីជាយ៉ាងណាក៏ដោយ រូបភាព និងវីដេអូនៃឧប្បត្តិហេតុដែលបានកើតឡើងកាលពីថ្ងៃទី ២៨ ខែធ្នូមួយនេះ បានបង្កឲ្យមានការរិះគន់យ៉ាងខ្លាំងពីសំណាក់អ្នកលេងបណ្តាញសង្គម។

កាសែត Guangxi Daily ដែលគ្រប់គ្រងដោយរដ្ឋបានចុះផ្សាយថា ការដាក់ពិន័យនេះគឺជាការកំញើញដើម្បីរារាំងឧក្រិដ្ឋកម្មទាក់ទងនឹងព្រំដែន និងជំរុញឲ្យមានការអនុលោមតាមការការពារ និងការគ្រប់គ្រងការរាតត្បាត។

ប្រព័ន្ធផ្សព្វផ្សាយរដ្ឋដដែល បានពណ៌នាស្ថានភាពកូវីដបច្ចុប្បន្ន​ នៅតំបន់ព្រំដែនថា “ស្ថិតក្នុងភាពធ្ងន់ធ្ងរ និងស្មុគស្មាញជាទីបំផុត”។

គួរបញ្ជាក់ថា ចិនដែលជាប្រទេសរកឃើញកូវីដដំបូងគេនៅចុងឆ្នាំ២០១៩ បានកត់ត្រាចំនួនអ្នកស្លាប់សរុបចំនួន៤,៨៤៩នាក់និងឆ្លង១១៤,៣៦៥ករណី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ខណៈប្រឈមមុខជាមួយ Omicron ប្រទេសនានាកំពុងធ្វើតាមវិធីសាស្ត្រប្រយុទ្ធកូវីដ របស់ ចិន