ព័ត៌មានអន្ដរជាតិ

ហុងកុងសម្លាប់សត្វកំប្រុក២ពាន់ក្បាល ព្រោះផ្ទុះកូវីដ

បានផុស

៤ years មុន

នៅ

ថ្ងៃពុធ ១៩ មករា ២០២២

ដោយ

ទីក្រុងហុងកុងបានព្រមានប្រជាជនហាមថើបសត្វចិញ្ចឹម និងបានបញ្ជាឲ្យសម្លាប់សត្វកំប្រុកយ៉ាងច្រើនកាលពីថ្ងៃអង្គារ៍ ម្សិលមិញដែលបានធ្វើឲ្យអ្នកស្រឡាញ់សត្វផ្ទុះកំហឹង បន្ទាប់ពីសត្វកំប្រុក១១ក្បាលត្រូវបានតេស្តរកឃើញវិជ្ជមានកូវីដ-១៩។

មន្ត្រីបាននិយាយថា ការផ្ទុះកូវីដ-១៩ជាចង្កោមថ្មីៗនេះនៅក្នុងមនុស្សដែលធ្វើឲ្យអាជ្ញាធរបានតាមដានបុគ្គលិកហាងចិញ្ចឹមសត្វ និងឈានដល់ការធ្វើតេស្តសត្វរាប់រយក្បាល ហើយជាលទ្ធផលកំប្រុក១១រកឃើញឆ្លងកូវីដ។

មូលហេតុខាងលើនេះហើយបានធ្វើឲ្យទីក្រុងហុងកុងបញ្ជាឲ្យសម្លាប់សត្វកំប្រុកចំនួន២ពាន់ក្បាល ហើយការនាំចូល និងលក់ត្រូវបានបញ្ឈប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហាងលក់សត្វចិញ្ចឹមជាច្រើនត្រូវបានបិទទ្វារ និងសម្លាប់មេរោគជុំវិញទីក្រុងដោយមានបុរសៗពាក់ឈុតការពារខ្លួននៅតាមហាងនានានៅកណ្តាលខណ្ឌ Causeway Bay។

សមាគមក្នុងស្រុកសម្រាប់ការទប់ស្កាត់អំពើឃោឃៅលើសត្វ (SPCA) ដែលបានបើកគ្លីនិកសត្វបានជំរុញឲ្យអាជ្ញាធរគិតឡើង។

សមាគមបាននិយាយថា ៖«SPCA ពិតជារន្ធត់ និងព្រួយបារម្ភចំពោះសេចក្តីប្រកាសរបស់រដ្ឋាភិបាលបញ្ជាឲ្យសម្លាប់សត្វកំប្រុក២ពាន់ក្បាលដោយមិនគិតពីសុខុមាលភាពសត្វ និងការស្រឡាញ់សត្វរបស់មនុស្សដើម្បីពិចារណា»។

រដ្ឋមន្ត្រីសុខាភិបាល លោក Sophia Chan បាននិយាយថា អាជ្ញាធរបានកំពុងចាត់វិធានការប្រុងប្រយ័ត្ន បើទោះបីជាមិនមានភស្តុតាំងណាមួយបង្ហាញពីការឆ្លងពីសត្វទៅមនុស្សក៏ដោយ។

ប្រធាននាយកដ្ឋានកសិកម្ម នេសាទ និងអភិរក្ស លោក Leung Siu-fai Leung បាននិយាយថា ៖«ម្ចាស់សត្វចិញ្ចឹមត្រូវតែប្រុងប្រយ័ត្ន និងមានអនាម័យល្អ ដូចជាលាងដៃបន្ទាប់ពីប៉ះសត្វ ជៀសវាងថើបសត្វជាដើម»។

ទីក្រុងហុងកុងក៏បានកំពុងធ្វើតេស្តសត្វទន្សាយ និងសត្វផ្សេងទៀត ប៉ុន្តែមានតែសត្វកំប្រុកដែលរកឃើញវិជ្ជមាន។ សត្វកំប្រុកទាំងអស់នោះត្រូវបាននាំចូលពីប្រទេសហុល្លង់៕

ប្រែសម្រួល៖ វីរបុត្រ
ប្រភព៖ Reuters

Related Topics:ទីក្រុង ហុងកុង