រសៀល​នេះ សម្តេចតេជោ ហ៊ុន សែន អញ្ជើញ​បិទ​សន្និបាតការងារប្រចាំឆ្នាំ ២០២១ ក្រសួងមហាផ្ទៃ

នៅរសៀល​ថ្ងៃទី ២៣ ខែ កុម្ភៈ ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជានឹងអញ្ជើញបិទសន្និបាតត្រួតពិនិត្យលទ្ធផលការងារប្រចាំឆ្នាំ ២០២១ និងលើកទិសដៅការងារឆ្នាំ ២០២២ របស់ក្រសួងមហាផ្ទៃ និងលទ្ធផលការងារប្រឡងប្រណាំងអនុវត្តគោលនយោបាយ «ភូមិ-ឃុំ-សង្កាត់ មានសុវត្ថិភាព» សមត្ថភាពទាំងអាកប្បកិរិយារបស់មន្ត្រីប៉ុស្តិ៍នគរបាលរដ្ឋបាល ឃុំ-សង្កាត់ ដែលប្រារព្ធធ្វើនៅសណ្ឋាគារសុខារាជធានីភ្នំពេញ។

ក្រសួងមហាផ្ទៃបាន​រៀបចំ​សន្និបាតត្រួតពិនិត្យលទ្ធផលការងារឆ្នាំ២០២១ និងទិសដៅការងារឆ្នាំ២០២២ កាលពីព្រឹកថ្ងៃទី២២ ខែកុម្ភៈឆ្នាំ២០២២ ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។

ឆ្នាំ ២០២១ ជាឆ្នាំសភាពការណ៍ពិភពលោក និងតំបន់មានការប្រែប្រួលឆាប់រហ័ស និងស្មុគស្មាញក្នុងនោះការឆ្លងរាតត្បាតជំងឺកូវីដ-១៩ បានបង្កឱ្យមានផលប៉ះពាល់ ដល់សេដ្ឋកិច្ចនិងសង្គមគ្រប់ប្រទេស ខណៈការប្រកួតប្រជែងខាងភូមិសាស្រ្តនយោបាយ សេដ្ឋកិច្ច បច្ចេកវិទ្យានិងយោធាកាន់តែមានភាពតានតឹង។

ព័ត៌មានបន្ថែម​ជុំវិញ​ពិធីបិទ​សន្និបាត​របស់ក្រសួង​មហាផ្ទៃ​ក្រោម​អធិបតីភាព​សម្តេច​តេជោ ហ៊ុន សែន​ ក្រុម​ការងារ​កម្ពុជាថ្មី នឹង​រាយការណ៍​បន្ថែម​នៅ​ពេល​រសៀល​នេះ៕

អត្ថបទ៖ ណារី