ព័ត៌មានជាតិ
មន្ត្រីជំនាញ៖ ជំងឺគ្រុនឈាមនឹងអាចកើនឡើងខ្ពស់ដោយសារស្ថិតក្នុងឆ្នាំវ័ន្តនៃការផ្ទុះទ្រង់ទ្រាយធំឆ្នាំនេះ
ប្រធានកម្មវិធីជាតិប្រយុទ្ធនឹងជំងឺគ្រុនឈាម នៃក្រសួងសុខាភិបាលបានអះអាងថា នៅឆ្នាំ២០២២នេះ ករណីជំងឺគ្រុនឈាមអាចនឹងមានការកើនឡើងខ្ពស់ដោយសារវាជាឆ្នាំស្ថិតក្នុងវ័ន្តនៃការផ្ទុះជំងឺគ្រុនឈាមទ្រង់ទ្រាយធំ។
លោកវេជ្ជបណ្ឌិត លាង ឬទ្ធា ប្រធានកម្មវិធីជាតិប្រយុទ្ធនឹងជំងឺគ្រុនឈាមនៃក្រសួងសុខាភិបាលបានមានប្រសាសន៍នៅព្រឹកថ្ងៃទី០៩ មីនាថា ការកើនឡើងនៃករណីជំងឺគ្រុនឈាមនៅឆ្នាំនេះដោយសារកក្តាបំរែបំរួលអាកាសធាតុពិសេសអាកាសធាតុក្តៅអាចបង្កលក្ខណៈងាយស្រួលក្នុងការកកើតមូសខ្លាច្រើន ខណៈមានការសាងសង់សំណង់អគារធំៗ ដែលមានមនុស្សរស់នៅកកកុញ និងមានបរិស្ថានមិនល្អដែលងាយកកើតមូសច្រើនពិសេសឆ្នាំ ២០២២ នេះជាឆ្នាំទី៣ ស្ថិតក្នុងវ័ន្តឆ្នាំមានការផ្ទុះជំងឺគ្រុនឈាមដែលមានរយៈពេល៥ឆ្នាំម្តង។
លោកវេជ្ជបណ្ឌិត លាង ឬទ្ធា បានបន្តថា ក្នុងការទប់ស្កាត់ជំងឺគ្រុនឈាមនៅឆ្នាំនេះកម្មវិធីជាតិប្រយុទ្ធនឹងជំងឺគ្រុនឈាមបានត្រៀមថ្នាំអាបេតប្រមាណ១០០តោន សេរ៉ូម៦ ទៅ ៧ម៉ឺនប្លោក ទឹកថ្នាំបាញ់សម្លាប់មូស ៦ ពាន់លីត្រ ផលិតខិតប័ណ្ណអប់រំស្តីពីជំងឺគ្រុនឈាមដើម្បីបង្ការនិងការពារទប់ស្កាត់ក្នុងករណីជំងឺគ្រុនឈាមមានការរាតត្បាតលក្ខណៈទ្រង់ទ្រាយធំ។
លោកវេជ្ជបណ្ឌិត លាង ឬទ្ធា បានបន្តទៀតថា កម្មវិធីជាតិក៏បានបណ្តុះបណ្តាលដល់គ្រូបង្គោលផ្នែកជំងឺគ្រុនឈាមនៅទូទាំងប្រទេសដើម្បីបង្ហាត់បង្រៀនបន្តដល់គ្រូពេទ្យរដ្ឋនិងឯកជនឲ្យចេះពីវិធីព្យាបាលជំងឺ និងចុះអប់រំផ្សព្វផ្សាយស្តីពីជំងឺគ្រុនឈាមនៅតាមសហគមន៍នានាពិសេសនៅតាមបណ្តារាជធានីខេត្តដែលមានករណីជំងឺគ្រុនឈាមច្រើនជាងគេ។
លោកវេជ្ជបណ្ឌិតបានអំពាវនាវដល់សាធារណជននិងអាជ្ញាធរគ្រប់លំដាប់ថ្នាក់ទាំងអស់ត្រូវចូលរួមសំអាតអនាម័យនៅជុំវិញលំ នៅដ្ឋាននិងទីសាធារណៈឲ្យបានស្អាតដូចជាលប់បំបាត់សំបកកង់ឡាន កង់ម៉ូតូចាស់ៗនិងរាល់វត្ថុដែលអាចដក់ទឹកបានព្រោះវាជាជំរកនៃការកកើតដង្កូវទឹកដែលវវត្តន៍ទៅជាមូសខ្លាដែលជាភ្នាក់ងារចំលងជំងឺគ្រុនឈាមដើម្បីការពារកុំឲ្យឆ្លងជំងឺគ្រុនឈាមដល់កុមារនិងមនុស្សគ្រប់វ័យ។
លោកប្រធានកម្មវិធីជាតិបានណែនាំដល់ប្រជាពលរដ្ឋគ្រប់រូបបើសង្ស័យថាមានជំងឺគ្រុនឈាមដូចជាមានអាការៈក្តៅខ្លួនចាប់ពី ៣៩ទៅដល់៤០ អង្សារ នឹងមានរោគសញ្ញាផ្សេងៗទៀតដូចជា មុខក្រហម ឈឺប្រឡង់កែវភ្នែកចាក់ទៅក្រោយ ឈឺក្បាល ចង់ក្អួតឬកួត ឈឺពោះ ឈឺសាច់ដុំ ឈឺសន្លាក់ដៃជើង ស្នាមអុចៗក្រហមលើស្បែក ឬមានហូរឈាមតាមចិញ្ចាញធ្មេញជាដើមត្រូវរួសរាន់បញ្ជួនអ្នកជំងឺទៅកាន់មន្ទីរពេទ្យជាបន្ទាន់ដើម្បីឲ្យគ្រូពេទ្យពិនិត្យ និងព្យាបាលបានទាន់ពេលវេលា៕
អត្ថបទ៖ សំអឿន
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល