កីឡា

អតីតអ្នកកីឡាកាសប្រចាំ WWE ម្នាក់ ទទួលមរណភាព ក្នុងអាយុ ៦៣ ឆ្នាំ

បានផុស

៤ years មុន

នៅ

ថ្ងៃអង្គារ ១៥ មីនា ២០២២

ដោយ

ជាដំណឹងដ៏ក្រៀមក្រំមួយ ខណៈអតីតកីឡាកាសជើងចាស់ដ៏ល្បីល្បាញ ប្រចាំស្ថាប័ន WWE បានទទួលមរណភាព ក្នុងអាយុ ៦៣ ឆ្នាំ កាលពីថ្ងៃចន្ទទី ១៤ ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមស្ថាប័ន WWE បានរាយការណ៍ថា Scott Hall បានទទួលការវះកាត់ត្រគាកនៅមន្ទីរពេទ្យក្នុងរដ្ឋ Georgia កាលពីសប្ដាហ៍មុន មុននឹងមានជំងឺគាំងបេះដូងនៅថ្ងៃទី១២ មីនា ក្រុមគ្រូពេទ្យបានព្យាយាមជួយសង្គ្រោះជីវិតគាត់ ។ ប៉ុន្តែនៅទីបញ្ចប់ គាត់មិនអាចទ្រាំទ្រនឹងសភាពជំងឺ ដែលកំពុងបុកខ្លាំងក្នុងរាងកាយបាន។

អតីតសមាគមកីឡាកាស បានចេញសេចក្តីថ្លែងការណ៍មួយដោយនិយាយថា “WWE សោកស្ដាយចំពោះឧប្បត្តិហេតុនេះ សម្រាប់ការបាត់បង់កីឡាករជើងចាស់ពីរសម័យកាល Scott Hall ហើយក៏សូមចូលរួមរំលែកទុក្ខដល់ក្រុមគ្រួសារ មិត្តភ័ក្ដិ និងអ្នកគាំទ្ររបស់គាត់”។

លោក Scott Oliver Hall ដែលត្រូវបានគេស្គាល់នៅក្នុងពិភពកីឡាកាសថា ជា Racer Ramon និង Scott Hall គឺជាកំពូលកីឡាកាស ជនជាតិអាមេរិក។

កីឡាកាសរូបនេះ ត្រូវបានគេស្គាល់ជុំវិញពិភពលោក ជាមួយនឹងតួនាទីរបស់លោក ក្នុងការវាយគូប្រកួតឲ្យដេកដួលយ៉ាងសាហាវ និងបានដណ្ដើមយកខ្សែក្រវាត់ជើងឯកជាច្រើន ទាំងក្នុងពានរង្វាន់ WWE និង WCW ហើយត្រូវបានបញ្ចូលទៅក្នុង WWE Hall of Fame ក្នុងឆ្នាំ ២០១៤ និង nWo ក្នុងឆ្នាំ ២០២០៕

ប្រែសម្រួល៖ សាង ស្រីល័ក្ខ

ប្រភព៖ Sanook

ចុចអាន៖កំពូលកីឡាកាសល្បីៗជំនាន់មុន អ្នកទស្សនាមិនចេះជិនណាយ មកទល់ពេលនេះ

ចុចអាន៖ការពិត ៤ យ៉ាង អ្នកគាំទ្រកីឡាកាស មិនបានដឹងពីម្ចាស់ WWE លោក Vince McMahon ឡើយ