ព័ត៌មានអន្ដរជាតិ

អាមេរិកបន្ថែមជំនួយយោធាដល់អ៊ុយក្រែនគិតជាប្រាក់ជាង១ប៊ីលានដុល្លារហើយ

បានផុស

៤ years មុន

នៅ

ថ្ងៃពុធ ១៦ មីនា ២០២២

ដោយ

ប្រធានាធិបតីសហរដ្ឋអាមេរិក លោក ចូ បៃដិន ត្រូវបានគេរាយការណ៍ថា គ្រោងនឹងប្រកាសជំនួយគិតជាប្រាក់៨០០លានដុល្លារអាមេរិកបន្ថែមទៀតទៅប្រទេសអ៊ុយក្រែនដែលធ្វើឲ្យជំនួយសរុបរបស់អាមេរិកឡើងដល់ជាង១ប៊ីលានដុល្លារអាមេរិកចំពេលអ៊ុយក្រែនកំពុងមានជម្លោះជាមួយរុស្ស៊ី។

មន្ត្រីសេតវិមានមិនបញ្ចេញឈ្មោះបានប្រាប់អ្នកកាសែតកាលពីថ្ងៃអង្គារ៍ថា ទឹកប្រាក់៨០០លានដុល្លារជាជំនួយបន្ថែមគ្រោងនឹងប្រកាសនាពេលឆាប់ៗខាងមុខដែលនឹងធ្វើឲ្យចំនួនសរុបត្រូវបានប្រកាសក្នុងមួយសប្តាហ៍កន្លងទៅឡើងដល់ជាង១ប៊ីលានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីមិនបានបញ្ជាក់ពីឧបករណ៍អ្វីដែលត្រូវបានរាប់បញ្ចូលក្នុងជំនួយនាពេលខាងមុខនោះទេ។ ទោះជាយ៉ាងណា យោងតាម ក្រសួងការបរទេសអាមេរិកបានបង្ហាញថា កញ្ចប់ថវិកា២០០លានដុល្លារបានប្រកាសកាលពីថ្ងៃសៅរ៍រាប់បញ្ចូលទាំងឧបករណ៍សម្រាប់កម្លាំងទ័ពអ៊ុយក្រែនប្រឆាំងប្រឆាំងរថក្រោះ ការវាយប្រហារផ្លូវអាកាស និងការគំរាមកំហែងផ្សេងៗទៀតដែលកំពុងប្រឈម។

នៅថ្ងៃអង្គារ៍ម្សិលមិញ លោកប្រធានាធិបតី ចូ បៃដិន បានចុះហត្ថលេខាលើច្បាប់ថវិការដ្ឋាភិបាលដែលមានចំនួន១.៥ទ្រីលានដុល្លារ ក្នុងនោះរាប់បញ្ចូលទាំងទឹកប្រាក់១៣.៦ប៊ីលានដុល្លារក្នុងជំនួយមនុស្សធម៌ និងសន្តិសុខសម្រាប់អ៊ុយក្រែនផងដែរ៕

ប្រែសម្រួល៖ វីរបុត្រ
ប្រភព៖ RT

Related Topics:សហរដ្ឋអាមេរិក