បានល្បី! តន់ ចន្ទសីម៉ា មិនភ្លេចគុណរបស់តារាចម្រៀង ឱក សុគន្ធកញ្ញា ឡើយ

តារាចម្រៀងវ័យក្មេង តន់ ច័ន្ទសីម៉ា ខណ:ដែលកេរ្តិ៍ឈ្មោះ និងការគាំទ្រកាន់តែមានសន្ទុះគួរសមនោះស្រាប់តែតារាស្រីរូបនេះ ធ្វើរឿងភ្ញាក់ផ្អើលមួយជាមួយអតីតគ្រូបង្វឹក ដែលជាកំពូលតារាចម្រៀង គឺអ្នកនាង ឱក សុគន្ធកញ្ញា។

សកម្មភាពរបស់តារាចម្រៀងកញ្ញា តន់ ចន្ទសីម៉ា ដែលសម្តែងការដឹងគុណចំពោះរៀមច្បង ឱក សុគន្ធ នាឱកាសថ្មីឆ្នាំថ្មីនេះ គឺកំពុងទទួលបានការចាប់អារម្មណ៍ លើកសរសើរពីសំណាក់អ្នកគាំទ្រ និងមហាជន ជាពិសេសអ្នកប្រើប្រាស់បណ្តាញសង្គមហ្វេសប៊ុកផងដែរ។

ខ្លឹមសាររបស់ស្រីស្អាត តន់ ចន្ទសីម៉ា បានរៀបរាប់ថា «ខ្ញុំពិតជាមានអារម្មណ៍ថា កក់ក្ដៅសម្រាប់ពេល វេលាដ៏មានតម្លៃនេះ អតីតកាលអ្នកគ្រូបានផ្ដល់ដំបូន្មានជាច្រើនសម្រាប់ខ្ញុំ ទោះបីខ្ញុំមិនអាចមានឱកា សទទួលពាន តែអ្នកគ្រូបានផ្ដល់កម្លាំងចិត្តឱ្យខ្ញុំ និងបានផ្ដល់ឱកាសអោយខ្ញុំ រហូតពេលវេលាចុងក្រោ យ»។

តារាចម្រៀងកញ្ញា តន់ ចន្ទសីម៉ា បានបន្ថែមទៀតថា «ក្នុងនាមខ្ញុំជាសិស្សជំនាន់ក្រោយ នាងខ្ញុំសូមគោរពអរគុណអ្នកគ្រូ និងជូនពរអ្នកគ្រូទទួលបានសុខភាពល្អ មានសុភមង្គលពេញមួយជីវិត»។ គេកត់ស ម្គាល់​ថា គិតមកមដល់ពេលនេះកញ្ញា តន់ ចន្ទសីម៉ា បានវិវត្តខ្លួនក្លាយជាតារាចម្រៀងវ័យក្មេងល្បីមួយរូបប្រចាំផលិតកម្មកាឡាក់ស៊ី ណាវ៉ាត្រា ដែលធ្វើឲ្យប្រជាប្រិយភាពនាង ហាក់កំពុងតែមានសន្ទុះនៃការគាំទ្រច្រើនគួរសម៕

អត្ថបទ៖ ចាន់រ៉ា