ជីវិតកម្សាន្ដ
ទម្រាំមានទីផ្សារខ្លាំងនៅខ្មែរ និង ថៃ តើ ស៊ីន យូប៊ីន ឆ្លងកាត់វិថីសិល្បៈយ៉ាងដូចម្ដេចខ្លះ?
អតីត Freshie Girls កញ្ញា ស៊ីន យូប៊ីន តារាសម្ដែង និងពិធីការិនី ដែលមានប្រជាប្រិយភាពការងារហូរចូលដូចទឹក មិនថាក្នុងស្រុក និងនូវប្រទេសថៃ តើទម្រាំមានថ្ងៃនេះ ស៊ីន យូប៊ីន ឆ្លងកាត់វិថីសិល្បៈយ៉ាងដូចម្ដេចខ្លះ។
បើកទំព័រជីវិតសិល្បៈជាមួយការប្រលង Freshie Girls and Boys ជំនាន់ទី ១២ កាលពីឆ្នាំ ២០១៣ ដែលក្នុងពេលនោះ កញ្ញា ស៊ីន យូប៊ីន ទទួលបានជយលាភីលេខ ១ និងទទួលបានពានរង្វាន់ដល់ទៅ ៧។ ជាភ័ព្វសំណាង បន្ទាប់ពីទទួលបានជយលាភីមិនទាន់បានប៉ុន្មានផង កញ្ញាក៏បានក្ដោបកាប់ឱកាសជាតួឯកស្រីជាមួយលោក ខាត់ វ៉ៃហាំង នៅក្នុងរឿងភាគដំបូង និស្ស័យស្នេហ៍ខ្ញុំ ដែលទទួលបានគាំទ្រជោគជាំស្ទើរមិនគួរឲ្យជឿ។
ស៊ីន យូប៊ីន កើតថ្ងៃទី ១៣ ខែឧសភា ឆ្នាំ ១៩៩៥ នៅរាជធានីភ្នំពេញ ដែលមានលោកឪពុកជាមន្ដ្រីរាជការ អ្នកម្ដាយជាអ្នកជំនួញ និងមានបងប្អូនចំនួន ៣ នាក់។ នៅឆ្នាំ ២០១៧ ក្នុងព្រឹត្តិការណ៍មហោស្របជាតិលើកទី ៥ កញ្ញា ស៊ីន យូប៊ីន បានទទួលពានរង្វាន់ជាតារាស្រីឆ្នើមប្រចាំឆ្នាំ តាមរយៈខ្សែភាពយន្តរឿង “តម្លៃស្នេហ៍”។ លើសពីនេះទៅទៀត តាមរយៈទេពកោសល្យ សមត្ថភាព បូករួមជាមួយសម្រស់ នៅឆ្នាំ ២០២០ កញ្ញា ក៏ត្រូវបានផលិតករថៃចាប់អារម្មណ៍ទាក់ទងឲ្យទៅសម្ដែងរឿង The Protector ឬ កំពូលអង្គរក្សមុខខ្មូត ដែលមានការចាក់បញ្ចាំនៅប្រទេសថៃ និងកម្ពុជាព្រមគ្នា។ ទន្ទឹមនឹងការលិចមុខក្នុងរឿងកុនថៃ កញ្ញា ស៊ីន យូប៊ីន ក៏តែងតែលិចមុខនៅក្នុងកម្មវិធីផ្សេងៗនៅក្នុងប្រទេសថៃជារឿយៗផងដែរ។ ចំណែកក្នុងស្រុកឯណោះវិញ កញ្ញាក៏មមាញឹកមិនស្ទើរ មិនថា រឿងភាគ រឿងដុំ និងការថតស្ពតពាណិជ្ជកម្មផ្សេងៗ បូករួមជាការតំណែងជាទូតសុឆន្ទៈរបស់ Pedro, Chipmong malls , Chipmongland condo និងជា CEO របស់ Firetiger។
គួររំលឹកថា កញ្ញា ស៊ីន យូប៊ីន និងលោក ខាត់ វ៉ៃហាំង ក៏ជាគូស្នេហ៍មួយគូដែលទស្សនិកជនតែងតែលួចច្រណែននឹងពួកគេទាំងពីរ តាមរយៈសាច់រឿង និងក្រៅសាច់រឿងដូចគ្នា ហើយក្នុងពេលឆាប់ៗខាងមុននេះ អ្នកទាំងពីរនឹងលិចមុខជាមួយគ្នាក្នុងរឿងភាគថ្មី ដែលមានចំណងជើងថា លួចស្នេហ៍គូដណ្ដឹង៕
អត្ថបទ៖ ផានិត
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២២ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន