Connect with us

ព័ត៌មានអន្ដរជាតិ

បក្ស​​ប្រឆាំង​​ស្រី​​លង្កា​ស្នើ​​ការ​​បោះ​​ឆ្នោត​​សភា​​មិន​ទុក​​ចិត្ត​​ទម្លាក់​​នាយក​​រដ្ឋ​​មន្ត្រី

បានផុស

នៅ

គណបក្ស​ប្រឆាំង​សំខាន់​របស់​ប្រទេស​ស្រីលង្កា​នៅ​ថ្ងៃ​អង្គារ៍ ទី​៣ ខែ​ឧសភា​បាន​ចេញ​សេចក្តី​ប្រកាស​ស្វែង​រក​ការ​បោះ​ឆ្នោត​មិន​ទុក​ចិត្ត​នៅ​សភា​​ដើម្បី​ទម្លាក់​​នាយក​រដ្ឋ​មន្ត្រី​លោក Mahinda Rajapaksa និង​គណៈ​រដ្ឋ​មន្ត្រី​របស់​លោក ព្រម​ទាំង​បាន​បន្ទោស​ពួក​គេ​ពី​ការ​ខក​ខាត​ក្នុង​ការ​បំពេញ​កាតព្វកិច្ច​ស្រប​តាម​រដ្ឋធម្មនុញ្ញ​ដែល​បាន​ធ្វើ​ឲ្យ​ប្រទេស​កោះ​មួយ​នេះ​​ជួប​​វិបត្តិ​សេដ្ឋកិច្ច​ធ្ងន់​ធ្ងរ​បំផុត។

ក្រុម​មួយ​មក​ពី​គណបក្សកម្លាំង​​ប្រជាជន​រួប​រួម ដឹក​នាំ​ដោយ​លោក Sajith Premadasa បាន​ចេញ​ញត្តិ​មួយ​ដើម្បី​ស្នើ​ទៅ​សុំ​សភា​ឲ្យ​​មាន​ការ​បោះ​ឆ្នោតមិន​ទុក​ចិត្ត​ចំពោះ​សមាជិក​សភាលោក Mahinda Yapa Abeywardena ផង​ដែរ។

លោកនាយក​រដ្ឋ​មន្ត្រី Mahinda និង​លោកប្រធានាធិបតី Gotabaya ជា​បង​ប្អូន​បង្កើត
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណី​នេះ​បានធ្វើ​​ឡើង​ចំពេល​​មាន​ការ​តវ៉ា​ទូទាំង​ប្រទេស​បាន​កើតមាន​ឡើង​ដើម្បី​ទាម​ទារ​ឲ្យ​លោក​នាយក​រដ្ឋ​មន្ត្រី Rajapaksa និង​ប្អូន​របស់​លោកជា​ប្រធានាធិបតី​គឺ Gotabaya Rajapaksa លា​លែង​ពី​តំណែង​ ដែលបាតុករ​ឲ្យ​ទទួល​ខុស​ត្រូវ​ចំពោះ​​វិបត្តិ​សេដ្ឋកិច្ច​ដ៏​អាក្រក់។

សំឡេង​បោះ​ឆ្នោត​ភាគ​ច្រើន​ក្នុង​សមាជិក​សភា​២២៥​រូប​អាច​នឹង​ដក​លោក Rajapaksa និង​គណៈ​រដ្ឋ​មន្ត្រី​ចេញ​ពី​អំណាច។ គណបក្ស​កម្លាំង​​ប្រជា​ជន​រួប​រួម​មាន​តែ​៥៤​សំឡេង​ប៉ុណ្ណោះ ប៉ុន្តែ​សង្ឃឹម​ទទួល​បាន​ជ័យជម្នះ​ពី​គណបក្ស​ប្រឆាំង​តូច​ផ្សេង​ៗ​ទៀត។ គណបក្ស​រណសិរ្សប្រជាជនស្រីលង្កាដែលកំពុងកាន់អំណាច​មាន​សំឡេង​ជិត​១៥០ ប៉ុន្តែ​ភាព​ខ្លាំង​​បាន​ធ្លាក់​ចុះ​ដោយ​​សារ​វិបត្តិ​សេដ្ឋកិច្ច​ដែល​​ធ្វើ​ឲ្យ​ការ​បោះ​ឆ្នោត​មិន​ទុក​អាច​ទៅ​រួច។​

ការរ​សម្រេច​ចិត្ត​​អំពី​ពេល​ដែល​ការ​បោះ​ឆ្នោត​មិន​ទុក​ចិត្ត​ត្រូវ​បាន​គេ​រំពឹង​ថា នឹង​កើត​មាន​ឡើង បន្ទាប់​ពី​សមាជិក​សភា​ចាប់​ផ្តើម​កិច្ច​ប្រជុំ​នា​ថ្ងៃ​ពុធ​នេះ។

គណបក្ស​កម្លាំង​ប្រជា​ជន​រួប​រួម​ក៏​បាន​ដាក់​ញត្តិ​​មិន​ទុក​ចិត្ត​​​មួយ​ដែរ​ដែល​មាន​គោល​ដៅ​លើ​លោក​ប្រធានាធិបតី​ ប៉ុន្តែ​វា​នឹង​មិន​អាច​បង្ខំ​ឲ្យ​លោក​ចាក​ចេញ​ពី​អំណាច​​បាន​ទេ បើ​ទោះ​ជា​មាន​សំឡេង​សភា​ភាគ​ច្រើន​ប្រឆាំង​លើ​លោក​ក៏​ដោយ។

ស្រី​លង្កា​កំពុង​ស្ថិត​នៅ​មាត់​ជ្រោះ​នៃ​​​ក្ស័យ​ធន បន្ទាប់ពី​មាន​សេចក្តី​ប្រកាស​ថ្មី​របស់​ប្រទេស​ពី​ការ​ផ្អាក​​ទូទាត់​​កម្ចី​បរទេស​របស់​ខ្លួន។ ប្រទេស​ប្រឈម​នឹង​ការ​សង​កម្ចី​បរទេស​ចំនួន​៧​ប៊ីលាន​ដុល្លារ​អាមេរិក​ក្នុង​ឆ្នាំ​នេះ​ក្នុង​ចំណោម​កម្ចី​២៥​ប៊ីលាន​ដុល្លារ​ដែល​គ្រោង​សង​ត្រឹម​ឆ្នាំ​២០២៦។ ស្រី​លង្កាមាន​ទុន​បម្រុង​បរទេស​តិច​ជាង១ប៊ីលាន​ដុល្លារ​ប៉ុណ្ណោះ៕

ប្រែ​សម្រួល៖ វីរបុត្រ
ប្រភព៖ AP

Helistar Cambodia - Helicopter Charter Services
Sokimex Investment Group
សន្តិសុខសង្គម២២ ម៉ោង មុន

ឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ

ព័ត៌មានអន្ដរជាតិ១៦ ម៉ោង មុន

ដាក់ពន្ធនាគារថៅកែចិន និងកម្មករ១២នាក់ ពីបទផលិត -លក់តុក្កតាអាសអាភាស

ព័ត៌មានអន្ដរជាតិ២១ ម៉ោង មុន

អតីតប្រធានាធិបតីអ៊ុយរូហ្គាយ ក្របំផុតលើលោក ទទួលមរណភាព ក្នុងវ័យ ៨៩ឆ្នាំ

ព័ត៌មានអន្ដរជាតិ៥៣ នាទីutes មុន

គ្មានឈ្មោះ ពូទីន ទេ ក្នុងបញ្ជីគណៈប្រតិភូរុស្ស៊ី ដែលនឹងទៅចរចាជាមួយ អ៊ុយក្រែន នៅ តួកគី

ព័ត៌មានជាតិ២៤ ម៉ោង មុន

គ្រោះរញ្ជួយដីនៅថៃ៖ ពលករខ្មែរពីររូបទៀតបានទទួលមរណភាព ខណៈក្រសួងការងារចូលរួមរំលែកទុក្ខ និងបន្តតាមដានទាមទារសំណងជូនក្រុមគ្រួសារសព

Sokha Hotels

ព័ត៌មានពេញនិយម