ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១២ ឧសភា

ពីមួយថ្ងៃទៅមួយថ្ងៃ មានរឿងច្រើនរាប់មិនអស់ បានកើតឡើងទូទាំងពិភពលោក ហើយរឿងខ្លះត្រូវបានគេចាត់ទុកថាជាព្រឹត្តិការណ៍ប្រវត្តិសាស្រ្តទៀតផង។

ចុះតើអ្នកដឹងទេ នៅថ្ងៃទី១២ខែឧសភា មានព្រឹត្តិការណ៍ប្រវត្តិសាស្រ្តអ្វីខ្លះ ត្រូវបានគេកត់ត្រាទុក? តោះទៅមើលជាមួយ កម្ពុជាថ្មី ទាំងអស់គ្នា!

ឆ្នាំ២០០៨ – រញ្ជួយដីនៅ ស៊ីឈួន

ការរញ្ជួយដីដ៏ធំមួយ បានវាយប្រហារខេត្ត ស៊ីឈួន ប្រទេសចិន ដោយបណ្តាលឲ្យមានការបំផ្លិចបំផ្លាញដ៏មហន្តរាយ និងសម្លាប់មនុស្សប្រហែល ៩ម៉ឺននាក់។

ឆ្នាំ១៩៤៩ – សហភាព​សូវៀត ​ដក​ការរឹតត្បិតទី​ក្រុង ​ប៊ែរឡាំង

សហភាព​សូវៀត ​បាន​ដក​ការរឹតត្បិតទី​ក្រុង ​ប៊ែរឡាំង នៃប្រទេស អាល្លឺម៉ង់។

ឆ្នាំ១៩៣៧ – ស្តេច George ទី៦ ឡើងគ្រងរាជ្យ 

ស្តេច George ទី៦ នៃចក្រភពអង់គ្លេស បានឡើងគ្រងរាជ្យ បន្ទាប់ពីការដាក់រាជ្យរបស់ស្តេច Edward ទី៨។

ឆ្នាំ១៩២៦ – ការហោះហើរលើកដំបូងនៅលើប៉ូលខាងជើង

នៅលើយន្តហោះ Norge, អ្នករុករកជនជាតិន័រវេស Roald Amundsen, អ្នកវិទ្យាសាស្ត្រជនជាតិអាមេរិក Lincoln Ellsworth និងវិស្វករជនជាតិអ៊ីតាលី Umberto Nobile បានធ្វើការហោះហើរដោយគ្មានជម្លោះលើកដំបូងនៅលើប៉ូលខាងជើង។

ឆ្នាំ១៨២០ – គិលានុបដ្ឋាយិកា អង់គ្លេស

គិលានុបដ្ឋាយិកាជនជាតិអង់គ្លេសឈ្មោះ Florence Nightingale ដែលបានបង្កើតអាជីពរបស់គិលានុបដ្ឋាយិកាបណ្តុះបណ្តាលជាវិជ្ជាជីវៈសម្រាប់ស្ត្រី កើតនៅទីក្រុង Florence ប្រទេសអ៊ីតាលី។ ទិវាគិលានុបដ្ឋាកអន្តរជាតិ ត្រូវបានប្រារព្ធនៅចំថ្ងៃកំណើតរបស់នាង៕

ប្រែសម្រួល៖ Vann Vann

ចុចអាន៖ ព្រឹត្តិការណ៍ប្រវត្តិសាស្រ្ត កើតឡើងចំថ្ងៃ ១១ ឧសភា