វីដេអូថតជាប់ស្តែងៗ ពេលអ្នកកាសែត Al Jazeera ត្រូវបាញ់សម្លាប់

អ្នកយកព័ត៌មានរបស់ Al Jazeera លោកស្រី Abu Akleh ត្រូវ​បាន​គេ​បាញ់​សម្លាប់​អំឡុងពេលមាន​ជម្លោះ​កាល​ពី​ថ្ងៃ​ពុធទី១១ខែឧសភា ខណៈ​អ៊ីស្រាអែល និង​ប៉ាឡេស្ទីន​ បានស្តី​បន្ទោស​ដាក់គ្នាទៅវិញទៅមកចំពោះការបាញ់សម្លាប់នេះ។

ក្នុងវីដេអូឃ្លីបមួយ, គេឃើញខ្មាន់កាំភ្លើងប៉ាឡេស្ទីន បានដើរសំដៅទៅទីតាំងដែលអ្នកកាសែត Abu Akleh ត្រូវបាញ់សម្លាប់។ ប៉ុន្តែវីដេអូនេះត្រូវបានលុបចេញភ្លាមៗដោយ មជ្ឈមណ្ឌលព័ត៌មានអ៊ីស្រាអែលសម្រាប់សិទ្ធិមនុស្សក្នុងដែនដីកាន់កាប់។

ប្រទេសអ៊ីស្រាអែល បានអំពាវនាវឲ្យមានការស៊ើបអង្កេតរួមគ្នាជាមួយអាជ្ញាធរប៉ាឡេស្ទីន លើការស្លាប់របស់ Abu Akleh។

ទោះបីជាយ៉ាងណាក៏ដោយ ប្រធានាធិបតីប៉ាឡេស្ទីនលោក Mahmoud Abbas បានច្រានចោលសំណើនេះទាំងខឹងសម្បាដោយនិយាយថា “យើងសូមឲ្យអាជ្ញាធរអ៊ីស្រាអែល ទទួលខុសត្រូវទាំងស្រុងចំពោះការសម្លាប់នាង សូម្បីតែចំពោះអំពើហិង្សាលើមនុស្សរាប់ពាន់នាក់ ដែលបានប្រមូលផ្តុំគ្នាដើម្បីកាន់ទុក្ខអ្នកស្រី ដែលបានស្លាប់នៅតំបន់ West Bank នៃទីក្រុង Ramallah ក៏ដោយ”។

លោក Abbas បាននិយាយនៅក្នុងសុន្ទរកថាមួយថា “ពួកគេមិនអាចលាក់បាំងការពិតជាមួយឧក្រិដ្ឋកម្មនេះបានទេ។ ពួកគេគឺជាអ្នកដែលបានប្រព្រឹត្តបទឧក្រិដ្ឋ ហើយដោយសារតែយើងមិនទុកចិត្តពួកគេ យើងនឹងទៅកាន់តុលាការឧក្រិដ្ឋកម្មអន្តរជាតិភ្លាមៗ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប៉ូលិសអ៊ីស្រាអែល ប្រើហិង្សាលើអ្នកកាន់ទុក្ខ ក្នុងពិធីបុណ្យសពអ្នកកាសែត Al Jazeera