ទារកកើតពីម្តាយឆ្លងកូវីដ មានអង់ទីគ័រប្រឆាំងជំងឺនេះ

ទារកទាំង៥នាក់ដែលកើតពីម្តាយឆ្លងជំងឺកូវីដ១៩ក្នុងអំឡុងពេលនៃការសិក្សានៅប្រទេសសិង្ហបុរី គឺមានអង់ទីគ័រប្រឆាំងនឹងវីរុសនេះ ថ្វីបើក្រុមអ្នកស្រាវជ្រាវបាននិយាយថា ខ្លួនមិនទាន់ច្បាស់ថា ការការពារនេះមានកម្រិតប៉ុនណាក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរកឃើញពីការសិក្សាលើស្ត្រីចំនួន១៦នាក់ក៏បានបង្ហាញផងដែរថា ភាគច្រើនមានការឆ្លងបន្តិចបន្តួចខណៈពេលដែលប្រតិកម្មធ្ងន់ធ្ងរបានកើតឡើងចំពោះស្ត្រីវ័យចំណាស់។

យោងតាមបណ្តាញស្រាវជ្រាវផ្នែកសម្ភពនិងរោគស្រ្តីរបស់ប្រទេសសិង្ហបុរី បានឲ្យដឹងថា ក្នុងចំណោមអ្នកទាំង៥ដែលបានសម្រាលកូននៅពេលការស្រាវជ្រាវត្រូវបានចេញផ្សាយបានបង្ហាញថា ពួកគេទាំងអស់សុទ្ធតែមានអង់ទីគ័រការពារជំងឺកូវីដ១៩។

អ្នកស្រាវជ្រាវបាននិយាយថា ចំនួនអង់ទីគ័រនៅក្នុងទារកគឺមានភាពខុសប្លែកគ្នាហើយមានចំនួនខ្ពស់ជាងទារកអ្នកដែលម្តាយរបស់ពួកគេបានឆ្លងជំងឺជិតដល់ពេលសម្រាល។

ទោះបីជាយ៉ាងណាក៏ដោយ ក្រុមអ្នកស្រាវជ្រាវអះអាងថា ពួកគេតម្រូវឲ្យមានការត្រួតពិនិត្យបន្ថែមទៀតដើម្បីមើលថាតើអង់ទីគ័រនឹងថយចុះដែរឬក៏អត់នៅពេលទារកកាន់តែធំ៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ បុគ្គលិកថែទាំសុខភាពម៉ាឡេស៊ី ១,៧៧១ នាក់ឆ្លងកូវីដ

ចុចអាន៖ អ្នកជំងឺកូវីដកូរ៉េខាងត្បូង ៦ នាក់ស្លាប់ ក្រោយរង់ចាំគ្រែមន្ទីរពេទ្យយូរពេក