ព័ត៌មានអន្ដរជាតិ

បាតុករថៃទាំងសងខាង កំពុងព្យាយាមទាញអាល្លឺម៉ង់ ចូលពាក់ព័ន្ធក្នុងវិបត្តិនយោបាយរបស់ខ្លួន

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

ក្រុមអាវលឿង ដែលគេស្គាល់ថាជាអ្នកស្មោះស្ម័គ្រនិងរបបរាជានិយមក្នុងប្រទេសថៃ បានចេញមុខតវ៉ាប្រឆាំងក្រុមបាតុករដែលកំពុងទាមទារលទ្ធិប្រជាធិបតេយ្យ ដោយនៅរសៀលថ្ងៃច័ន្ទនេះ ក្រុមអាវលឿង បានប្រមូលផ្តុំគ្នានៅពីមុខស្ថានទូតអាល្លឺម៉ង់ ប្រចាំទីក្រុងបាងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលប្រមូលផ្តុំគ្នា ក្រុមអ្នកតវ៉ា បានស្រែកជូនពរស្តេចរបស់ខ្លួន និងកាន់បដាគាំទ្រដល់រាជានិយមដ៏មានឥទ្ធិពលរបស់ប្រទេស ហើយបានដាក់ញត្តិទៅស្ថានទូតអាល្លឺម៉ង់ទៀតផង។

លោក Nititorn Lumlua មានមុខរបរជាមេធាវី បានអំពាវនាវឲ្យពលរដ្ឋប្រមូលផ្តុំគ្នានៅខាងមុខស្ថានទូតអាល្លឺម៉ង់ ដោយសង្ឃឹមថា អាជ្ញាធរប្រទេសអឺរ៉ុបមួយនេះ អាចទទួលបានព័ត៌មានត្រឹមត្រូវពីស្ថានភាពនយោបាយក្នុងប្រទេសថៃនៅពេលនេះ។

ដោយឡែក ក្រុមបាតុករដែលគេស្គាល់ថា ជាអ្នកប្រឆាំងរដ្ឋាភិបាលយោធាថៃ និងកំពុងទាមទារលទ្ធិប្រជាធិបតេយ្យសម្រាប់ប្រជាជាតិអាស៊ានមួយនេះ បានកំពុងមានចេតនាប្រមូលផ្តុំគ្នា ដង្ហែរក្បួនទៅកាន់ស្ថានទូតបរទេសក្នុងប្រទេសថៃដូចគ្នា។

ក្រុមប្រឆាំងរដ្ឋាភិបាល និងប្រឆាំងការគ្រប់គ្រងអំណាចដោយស្តេចថៃ បានកំពុងមានចេតនាដាក់ញត្តិចូលស្ថានទូតអាល្លឺម៉ង់ ទាមទារឲ្យប្រទេសនេះវាយតម្លៃលើកំហុសរបស់ស្តេច Vajiralongkorn ដោយទោសបាន ព្រះអង្គបានរំលោភលើអធិបតេយ្យភាពរបស់ប្រទេសអាល្លឺម៉ង់ តាមរយៈការប្រើប្រាស់អំណាចក្សត្រលើទឹកដីអាល្លឺម៉ង់៕

ប្រែសម្រួល៖ សុភា
ប្រភព៖ Bangkok Post

អត្ថបទពាក់ព័ន្ធ៖