មុនជួបគ្នាល្ងាចនេះ កម្ពុជា មានប្រវត្តិឈ្នះទីម័រខាងកើត ៥ ដង ក្នុងចំណោមពេលប៉ះគ្នា ៨ ដង

ក្រុមបាល់ទាត់ជម្រើសជាតិកម្ពុជា នឹងត្រូវប្រកួតមិត្តភាពអន្តរជាតិជាមួយក្រុមជម្រើសជាតិទីម័រខាងកើត នាល្ងាចថ្ងៃទី ០២ ខែមិថុនា ឆ្នាំ ២០២២ នេះ ខណៈបើក្រឡេកមកមើលប្រវត្តិជួបគ្នា កម្ពុជា ហាក់មានប្រៀបជាង ដ្បិតម្ចាស់ផ្ទះធ្លាប់ឈ្នះច្រើនលើក្រុមមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រវត្តិជួបគ្នា កម្ពុជា ជាមួយ ទីម័រខាងកើត គឺធ្លាប់ជួបគ្នាចំនួន ៨ ដង គិតចាប់តាំងពីឆ្នាំ ២០០៦ ហើយជាលទ្ធផល កម្ពុជា បានយកឈ្នះ ៥ ដង ទីម័រខាងកើត ឈ្នះតែម្ដងគត់ និង ២ ដងទៀតស្មើគ្នា ២-២ ទាំងពីរលើក 

ខាងក្រោមគឺលទ្ធផល នៃប្រវត្តិជួបគ្នារបស់ក្រុមទាំងពីរ ៖

– ឆ្នាំ២០០៦ ៖ កម្ពុជា ៤-១ ទីម័រខាងកើត (វគ្គជម្រុះ ជើងឯកអាស៊ាន)

– ឆ្នាំ២០០៨ ៖ កម្ពុជា ២-២ ទីម័រខាងកើត (វគ្គជម្រុះ ជើងឯកអាស៊ាន)

– ឆ្នាំ២០១០ ៖ កម្ពុជា ៤-២ ទីម័រខាងកើត ((វគ្គជម្រុះ ជើងឯកអាស៊ាន)

– ឆ្នាំ២០១២ ៖ ទីម័រខាងកើត ៥-១ កម្ពុជា (វគ្គជម្រុះ ជើងឯកអាស៊ាន)

– ឆ្នាំ២០១៤ ៖ កម្ពុជា ៣-២ ទីម័រខាងកើត (វគ្គជម្រុះ ជើងឯកអាស៊ាន)

– ឆ្នាំ២០១៦ ៖ កម្ពុជា ២-០ ទីម័រខាងកើត (មិត្តភាពអន្តរជាតិ)

– ឆ្នាំ២០១៦ ៖ កម្ពុជា ៣-២ ទីម័រខាងកើត (វគ្គជម្រុះ ជើងឯកអាស៊ាន)

– ឆ្នាំ២០១៨ ៖ កម្ពុជា ២-២ ទីម័រខាងកើត (មិត្តភាពអន្តរជាតិ)

សូមបញ្ជាក់ថា ការប្រកួតរវាង កម្ពុជា ជាមួយ ទីម័រខាងកើត នាវេលាម៉ោង ៧ យប់ ថ្ងៃទី ០២ ខែមិថុនា ឆ្នាំ ២០២២ នៅពហុកីឡដ្ឋានជាតិមរតកតេជោ នឹងមានការផ្សាយផ្ទាល់តាមរយៈស្ថានីយទូរទស្សន៍បាយ័ន និង BTV News ផងដែរ៕

អត្ថបទ ៖ មន្នីរ័ត្ន