វីដេអូ Teaser របស់ Jennie និង Jisoo មានអ្នកចូលមើលជាង ១លានដង ត្រឹមពេលមិនដល់ ៣០នាទី

វីដេអូ Teaser របស់ Jennie និង Jisoo ដែលជាសមាជិកក្រុម BLACKPINK ទទួលបានការ​ View លើសការ​រំពឹង​ទុក ​ត្រឹមពេលមិនដល់ ៣០នាទីផង មានអ្នកចូលមើលជាង ​១លានដងឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១១ ខែសីហា ឆ្នាំ២០២២ ឆានែល YouTube ផ្លូវការរបស់ BLACKPINK បានទម្លាក់វីដេអូខ្លីដែលសមាជិក Jennie និង Jisoo ជាអ្នកសម្ដែងក្នុងបទថ្មីគឺបទ “Pink Venom” ហើយទទួលបានការគាំទ្រមិនធម្មតា ខណៈទើបតែបញ្ចេញមិនដល់ ៣០នាទីស្រួលបួលផង មាន View រហូតដល់ជាង ១លានដងបាត់ទៅហើយ។ យ៉ាងណាមិញមកទល់នឹងម៉ោងនេះ វីដេអូខ្លីរបស់តារាស្រីទាំងពីរមានអ្នកចូលមើលប្រមាណជាង ១៥លានដង។

ក្រោយវីដេអូ Teaser បានទម្លាក់ភ្លាម បណ្ដាអ្នកគាំទ្ររឹតតែអន្ទះសារលើសដើម ចង់ទស្សនាវីដេអូពេញឆាប់ៗ ស្របពេល BLACKPINK ប្រកាសថា​ MV បទថ្មីនេះនឹងចេញផ្សាយនៅថ្ងៃសុក្រ ទី១៩ ខែសីហា ឆ្នាំ២០២២ ខាងមុខ។

ដោយឡែកអាល់​ប៊ុម​​ពេញ​ “BORN PINK” គ្រោង​នឹង​ចេញ​ផ្សាយនៅ​ថ្ងៃ​ទី១៦ ខែ​កញ្ញា ឆ្នាំ២០២២ ហើយពេលនេះ​វាទទួល​បានការកក់ទុកមុនអស់ប្រមាណ ១០ម៉ឺន​រួច​ទៅ​ហើយ៕

ប្រែសម្រួល៖ សន្យា

ចុចអាន៖ Blinks កាន់តែអន្ទះសារ ក្រោយ Blackpink ប្រកាសថ្ងៃទម្លាក់អាល់ប៊ុមថ្មី

ចុចអាន៖ ទម្លាយតម្លៃខ្លួន Lady Gaga សម្ដែងក្នុងរឿង “Joker 2”