កីឡា

សម្ដេចតេជោ និងសម្ដេចកិត្តិព្រឹទ្ធបណ្ឌិត ឧបត្ថម្ភថវិកា ២ម៉ឺនដុល្លារ ដល់អតីតកីឡាករ ក្រាក់ សម្ភស្ស

បានផុស

៤ years មុន

នៅ

ថ្ងៃសៅរ៍ ១៣ សីហា ២០២២

ដោយ

យោងតាមហ្វេសប៊ុកផេករបស់លោក ផែង វណ្ណៈ បានឲ្យដឹងថា នៅព្រឹកថ្ងៃទី១៣ ខែសីហា ឆ្នាំ២០២២ នេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឧបត្ថម្ភថវិកាចំនួន២ម៉ឺនដុល្លារអាមេរិក ជូនដល់កីឡាករប្រដាល់ក្បាច់គុនខ្មែរ ក្រាក់ សម្ភស្ស ដែលកំពុងជួបការលំបាកក្នុងជីវភាពប្រចាំថ្ងៃ។ ហើយថវិកានេះ លោកនឹងយកទៅប្រគល់ជូនលោក ក្រាក់ សម្ភស្ស នៅថ្ងៃនេះតែម្ដង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ចាក់ថា អតីតកីឡាករ ក្រាក់ សម្ភស្ស គឺជាកីឡាករប្រដាល់ជើងខ្លាំងមួយរូបតាំងពីទសវត្សរ៍១៩៩០ ហើយចាប់តាំងពីបាត់មុខលើវិស័យប្រដាល់អស់រយៈពេល២០ឆ្នាំ ទើបតែពេលនេះលេចមុខជាមួយនឹងជីវភាពដ៏លំបាក។

ក្រោយពីមានការធ្លាយដំណឹងតាមបណ្តាញទំនាក់ទំនងសង្គម Facebook ក៏មានសប្បុរសជនជាច្រើនបានឧបត្ថមជាថវិការជាបន្តបន្ទាប់ ក្នុងនោះលោក ផេង វណ្ណៈ ឧបត្ថម្ភថវិកាចំនួន៥០០ដុល្លារ។ លោក ហេង ឡាលីន ឧបត្ថម្ភថវិកា៥០០ដុល្លារ។ លោកស្រី ម៉ន ដានី ឧបត្ថម្ភ៥០០ដុល្លារ។ កីឡាករកាយវប្បកម្ម សំបូរ សុភ័ណ្ឌ ឧបត្ថម្ភ៤០ម៉ឺនរៀល។ លោក ឡោ វុទ្ធី ឧបត្ថម្ភ៥០ដុល្លារ។ អ្នកស្រី ជា ស្រីម៉ាច ឧបត្ថម្ភ១០០ដុល្លារ។

សូមបញ្ជាក់ថា អតីតកីឡាករ ក្រាក់ សម្ភស្ស និងគ្រួសារកំពុងរស់នៅក្នុងខ្ទមស្ថិតនៅស្រុកសំឡូត ខេត្តបាត់ដំបង៕

អត្ថបទ៖ សុខុម