ព័ត៌មានជាតិ
ប្រាក់ចូលនិវត្តន៍របស់កម្មករនិយោជិតអាចទទួលបានចន្លោះពី ៣.៥% ទៅ ៧០%
លោក ហេង សួរ រដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវៈបានឱ្យដឹងថា ដើម្បីទទួលបានប្រាក់សោធនជរាភាព ឬប្រាក់ចូលនិវត្តន៍ បុគ្គលគ្រប់រូបត្រូវតែចុះឈ្មោះជាសមាជិក ប.ស.ស. និងបានបង់ភាគទានជូន ប.ស.ស ផ្នែកសោធន យ៉ាងតិច ២៤ខែ លើរយៈពេល ៣៦ខែ។
លោក ហេង សួរ បញ្ជាក់ថា អត្រាសោធនជរាភាពរបស់បុគ្គលនីមួយៗគឺអាស្រ័យលើចំនួនខែ ឬឆ្នាំ ដែលបុគ្គលនីមួយៗបានបង់។ ហើយអត្ថប្រយោជន៍ដែលបុគ្គលនីមួយៗ អាចទទួលបានគឺស្ថិតនៅចន្លោះពី 3.5% ទៅ 70% នៃប្រាក់ឈ្នួលមធ្យមដែលជាប់កាតព្វកិច្ច។
នៅពេលដល់អាយុយ៉ាងតិច ៦០ ឆ្នាំ កម្មករនិយោជិត មានសិទ្ធស្នើសុំប្រាក់សោធនជរាភាព (ប្រាក់ចូលនិវត្ត ឬប្រាក់រ៉ឺត្រែត) ដោយទទួលបានប្រាក់ជរាភាពប្រចាំខែ និងការព្យាបាលនៅមន្ទីរពេទ្យ ប.ស.ស. តឥគិតថ្លៃ ព្រមទាំងទទួលបានប្រាក់សោធន៍ឧត្តជីវី។
លោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គមធ្លាប់លើកឡើងថា ប្រាក់សោធននិវត្តន៍ដែលកម្មករនិយោជិតត្រូវទទួលបានលុះត្រាតែពួកគេបានបំពេញលក្ខខណ្ឌដូចជាបានចុះបញ្ជីក្នុងផ្នែកប្រាក់សោធនមានអាយុយ៉ាងតិច៦០ឆ្នាំ និងបង់ភាគទានផ្នែកប្រាក់សោធនយ៉ាងតិច១២ខែ។
លោកបានឧទាហរណ៍ថា៖ «ប្រសិនបើបុគ្គល “ក” មានប្រាក់ខែ ៣០០ដុល្លារ ហើយបានបង់ភាគទានផ្នែកប្រាក់សោធនបានចំនួន ៤០ឆ្នាំ នោះអត្រាសោធនសម្រាប់ ៤០ឆ្នាំមានចំនួន ៥៧,៥០ភាគរយ បន្ទាប់មកគេយកទៅគុណមួយនឹងប្រាក់ខែ ៣០០ដុល្លារ ស្មើ១៧២ដុល្លារ ជាប្រាក់សោធនប្រចាំខែដែលគាត់ទទួលបាននៅពេលចូលនិវត្តន៍»។
គិតត្រឹមថ្ងៃទី១៦ ខែសីហា ឆ្នាំ២០២២នេះ បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ បានចុះផ្សព្វផ្សាយអត្ថប្រយោជន៍របបសន្តិសុខសង្គមផ្នែកប្រាក់សោធននៅតាមរោងចក្រ សហគ្រាស គ្រឹះស្ថាន ក្រុមហ៊ុន មានចំនួន ១ ២១៤លើក មានកម្មករនិយោជិតចូលរួមចំនួន ៦០៥ ៣៩២នាក់ ស្រី ៤៣៨ ១២០នាក់៕
អត្ថបទ៖ ឡេង ដេត
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ