ព័ត៌មានអន្ដរជាតិ
ជប៉ុន ឲ្យប្រជាជនវ័យក្មេងផឹកគ្រឿងស្រវឹងច្រើនជាងមុន ដើម្បីជួយសេដ្ឋកិច្ច
រដ្ឋាភិបាលជប៉ុនបានចាប់ផ្តើមយុទ្ធនាការទូទាំងប្រទេសលើកទឹកចិត្តឲ្យប្រជាជនវ័យក្មេងផឹកគ្រឿងស្រវឹងច្រើនជាងមុនដើម្បីជួយជំរុញសេដ្ឋកិច្ចប្រទេស បន្ទាប់ពីប្រាក់ចំណូលពន្ធទទួលបានពីឧស្សាហកម្មគ្រឿងស្រវឹងមានការធ្លាក់ចុះយ៉ាងខ្លាំង ។
យុទ្ធនាការនេះមានឈ្មោះថា “Sake Viva” គឺជាកម្មសិទ្ធិរបស់ភ្នាក់ងារពន្ធដារនៃប្រទេសជប៉ុន ដែលនឹងដំណើរការរហូតដល់ថ្ងៃទី ៩ ខែកញ្ញា បានស្នើឲ្យមនុស្សដែលមានអាយុពី ២០ ដល់ ៣៩ ឆ្នាំ ជំរុញគំនិតក្នុងចំណោមប្រជាជនវ័យក្មេងឲ្យចង់ផឹកគ្រឿងស្រវឹងដូចជា ស្រាសាកេ (ស្រាអង្ករ), ស្រាវីស្គី, ស្រាក្រហម ឬស្រាបៀរជាដើម ។
ទន្ទឹមនោះគេហទំព័រយុទ្ធនាការរបស់អាជ្ញាធរពន្ធដារមួយនេះបាននិយាយថា “ទីផ្សារគ្រឿងស្រវឹងក្នុងស្រុកកំពុងធ្លាក់ចុះការចាប់អារម្មណ៍ ដោយសារតែការប្រែប្រួលស្ថានភាពប្រជាសាស្រ្ត ដូចជាការថយចុះអត្រាកំណើត និងចំនួនប្រជាជនវ័យចំណាស់ ក៏ដូចជាការប្រែប្រួលរបៀបរស់នៅ ដោយសារតែផលប៉ះពាល់ពីរោគរាតត្បាតកូវីដ ១៩ នៅក្នុងប្រទេសជប៉ុន” ។
គេហទំព័របញ្ជាក់ទៀតថា “នៅក្នុងគម្រោងនេះ ភ្នាក់ងារយើងស្នើឲ្យប្រជាជនវ័យក្មេងឲ្យមានការអភិវឌ្ឍ និងផ្សព្វផ្សាយគ្រឿងស្រវឹងរបស់ជប៉ុន ហើយក្នុងពេលជាមួយគ្នានេះ វាក៏នឹងធ្វើឲ្យឧស្សាហកម្មនេះរស់ឡើងវិញផងដែរ”។
ចំណែកបើយោងតាមកាសែត The Japan Times បានចុះផ្សាយថា ការប្រមូលពន្ធលើផលិតផលគ្រឿងស្រវឹងរបស់ប្រទេសជប៉ុនមានចំនួន ៥ ភាគរយនៃប្រាក់ចំណូលសរុបក្នុងឆ្នាំ ១៩៨០ ប៉ុន្តែបានធ្លាក់ចុះមកត្រឹមតែ ១.៧ ភាគរយវិញក្នុងឆ្នាំ ២០២០ ៕
ប្រែសម្រួលដោយ ៖ ជីវ័ន្ត
ប្រភព ៖ Sky News
ចុចអាន ៖ រុស្ស៊ី ពង្រាយយន្តហោះចម្បាំងបំពាក់មីស៊ីលល្បឿនលឿនជាងសំឡេងទៅតំបន់ Kaliningrad
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ម៉ោង ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ