Yoona ក្លាយជាតារាស្រីមានបំផុត ក្នុងវ័យ ៣២ឆ្នាំ

យោងតាមប្រភពជាច្រើនបានឱ្យដឹងថា Yoona ក្នុងវ័យ ៣២ឆ្នាំ កំពុងកាន់កាប់ទ្រព្យសម្បត្តិរហូតដល់ ២០-២៣ លានដុល្លារអាមេរិក ​ក្លាយជាតារាស្រីមានជាងគេបំផុតប្រចាំផលិតកម្ម SNSD ។

សមាជិកក្រុម Girls’ Generation រូបនេះ មិនត្រឹមតែមានលុយសុទ្ធដ៏សន្ធឹកសន្ធាប់នៅក្នុងដៃប៉ុណ្ណោះ ប៉ុន្តែនាងជាម្ចាស់​រថយន្ត​ទំនើបរាប់សិបម៉ឺនដុល្លារ ​ជាម្ចាស់វីឡាតម្លៃជាង ៨.៥លានដុល្លារ ​និង​ផ្ទះ​ល្វែង​តម្លៃ​ជាង ២លាន​ដុល្លារផងដែរ។

នៅក្នុងឆ្នាំ២០២២នេះ Yoona បានទទួលបានងារជាតារាដែលធ្វើការខ្លាំងបំផុតក្នុងវិស័យ K-pop ព្រោះនាងមានសកម្មភាពផ្ទាល់ខ្លួនដែលលេចធ្លោជាច្រើន។ នាងត្រឡប់មកវិញតន្ត្រីវិញជាមួយផលិតកម្ម SNSD ក្នុងខួបទី ១៥ របស់ក្រុម Girls’ Generation ។ ថ្វីត្បិតក្រុមរបស់នាងហាក់ថមថយប្រជាប្រិយភាពក៏ដោយ ប៉ុន្តែតារាស្រីរូបនេះនៅតែមានភាពលេចធ្លោ ​និងគាំទ្រយ៉ាងខ្លាំងពីមហាជន មិនស្រកស្រុតនោះទេ។

ក្រៅពីល្បីល្បាញក្នុងវិស័យចម្រៀង នាងក៏តារាភាពយន្តដ៏មានឥទ្ធិពលមួយរូបផងដែរ។ ​បច្ចុប្បន្ននាង​កំពុង​សម្ដែង​រួម​គ្នា​ជាមួយតារាប្រុស Lee Jong Suk ក្នុង​រឿង Big Mouth ដែល​ទទួល​បាន​ប្រតិកម្ម​វិជ្ជមាន​ជា​ច្រើន​ពី​ទស្សនិកជន​។ លើស​ពី​នេះYoona ក៏​ជា​ឯកអគ្គរដ្ឋទូត​​របស់​ម៉ាក​ល្បីៗ​ជា​ច្រើន​ថែមទៀត។

ដោយសារចំណូលការងារខាងលើនេះហើយ ទើបបានជា Yoona ក្លាយជាសេដ្ឋីនីវ័យក្មេង ​និងជាតារាស្រីមានបំផុតម្នាក់ ក្នុងចំណោមតារាស្រីល្បីៗរបស់កូរ៉េខាងត្បូង៕

ប្រែសម្រួល៖ សន្យា

ចុចអាន៖ មកស្គាល់គ្រូបង្វឹកដំបូងដែលនាំឱ្យក្រុម BLACKPINK ពូកែរាំដូចបច្ចុប្បន្ន

ចុចអាន៖ ប្រជាប្រិយភាព Lisa ត្រូវគេយកទៅប្រៀបនឹងគំនូរ Mona Lisa