ជីវិតកម្សាន្ដ

ឧកញ៉ា ស្រី ចាន់ថន ចាត់ទុកបទ «Time To Rise» ប្រៀបដូចកញ្ចក់ឆ្លុះបញ្ចាំងពីការអភិរក្ស និងអភិវឌ្ឍន៍ លើកតម្កើងមរតកជាតិ

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

ខណៈ MV«Time To Rise» កំពុងទទួលបានការគាំទ្រ និងការទស្សនាកើនឡើងរហូតដល់ទៅជាង ១០០ លានដង ដែល MV បទនេះ ជាការច្រៀងរួមគ្នារវាងតារាចម្រៀងរ៉េប វណ្ណដា និងព្រឹទ្ធាចារ្យលោកតា គង់ ណៃ គឺមានការចូលរួមអបអរសាទរយ៉ាងច្រើនពីសំណាក់មហាជនទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះដែរស្រាប់តែលោកឧកញ៉ា ស្រី ចាន់ថន បានបញ្ចេញទស្សនៈដោយចាត់ទុកបទ «Time To Ri se» ប្រៀបដូចកញ្ចក់ឆ្លុះបញ្ចាំងពីការអភិរក្ស និងអភិវឌ្ឍន៍លើកតម្កើងមរតកជាតិ។

លោកឧកញ៉ា ស្រី ចាន់ថន លើកឡើងថា «Time To Rise អាចនិយាយបានថា ជាបទចម្រៀងមួយដែលប្រៀបដូចកញ្ចក់ឆ្លុះបញ្ចាំងពីការអភិរក្ស និងអភិវឌ្ឍន៍លើកតម្កើងមរតកជាតិ អាចធ្វើឲ្យប្រជាជនក្នុង និងក្រៅប្រទេសជាច្រើនលើសកលលោកបានស្គាល់ពីសិល្បៈខ្មែរ ដោយទទួលបានការគោរពសាទរ ស្រឡាញ់ និងទទួលស្គាល់វិស័យសិល្បៈនៅកម្ពុជា។

លោកឧកញ៉ាបន្តទៀតថា ក្នុងនាមខ្ញុំផ្ទាល់ជាជនជាតិខ្មែរ សូមចូលរួមអបអរសាទរ និង កោតសរសើរ ក៏ដូចជាមានមោទកភាពបំផុតចំពោះស្នាដៃផលិតរបស់ប្អូនប្រុស វណ្ណដា-Vanda ដែលបានបង្កើតស្នាដៃផលិតនូវបទចម្រៀង Time To Rise ដោយមានការចូលរួមវត្តមានដ៏ខ្ពង់ខ្ពស់របស់លោកព្រឹទ្ធាចារ្យ គង់ ណៃ ទៀតផង ដោយមាន ១០០ លាន ការចូលទស្សនា។

បន្ថែមពីនេះ លោកឧកញ៉ា ស្រី ចាន់ថន បាននិយាយថា ក្នុងនោះខ្ញុំសង្ឃឹមថា ពុកម៉ែបងប្អូនទាំងអស់ នឹងបន្តលើកទឹកចិត្ត ក៏ដូចជាគាំទ្រដល់ប្អូនៗ ដើម្បីបង្កើតស្នាដៃថ្មីៗបន្តទៀត ដើម្បីបង្ហាញឲ្យដឹងថា ខ្មែរអាចធ្វើបាន។

សូមជម្រាបដែរថា បន្ទាប់ពីវីដេអូចម្រៀងដើមបទ Time to Rise ទទួលបានការគាំទ្រជាបន្តរហូតមានការចូលទស្សនាចំនួន ១០០ លានដងនោះ តារាចម្រៀងរ៉េប វណ្ណដា បានព្រលយថា នឹងមានសមិទ្ធផលថ្មីបន្តទៀតនាពេលឆាប់ៗខាងមុខ៕

អត្ថបទ ៖ ចាន់រ៉ា