តួឯកស្រីរឿង ”អធិរាជឆ្លងភព” បរិច្ចាគប្រាក់ ១សែនដុល្លារ អបអរគម្រប់១០ឆ្នាំចូលសិល្បៈ

តារាសម្តែង Kim GoEun បានបរិច្ចាគទឹកប្រាក់ចំនួន ១០០ លានវ៉ុន (ប្រហែល១សែនដុល្លារ) ទៅកាន់មន្ទីរពេទ្យកុមារ Seoul National University Children ដើម្បីអបអរគម្រប់ខួប១០ឆ្នាំនៃការចួលសិល្បៈ ក៏ដូចជាតបស្នងនៅសេចក្តីស្រឡាញ់របស់អ្នកគាំទ្រនាង។

ក្នុងនោះ Kim GoEun បានបរិច្ឆាគប្រាក់ក្រោមឈ្មោះ “Kim GoEun & Kim GoEun’s Fans” ហើយនាងក៏បាននិយាយថា ” អំណោយសម្រាប់មន្ទីរពេទ្យកុមារ Seoul National University Children ដែលបានបរិច្ចាគជារៀងរាល់ឆ្នាំ នឹងប្រើប្រាស់ប្រកបដោយអត្ថន័យសម្រាប់ការព្យាបាលកុមារមកពីគ្រួសារដែលមានចំណូលទាប ហើយកំពុងជួបការលំបាក ក្នុងការព្យាបាលដោយសារបន្ទុកសេដ្ឋកិច្ច។’

នាងបានបន្តទៀតថា “វាយូរណាស់មកហើយ ដែលខ្ញុំបានឃើញអ្នកគាំទ្រតាមរយៈការជួបជាមួយ អ្នកគាំទ្រ។ ខ្ញុំបានក្រឡេកមើលទៅកាន់អ្នកគាំទ្រ ខ្ញុំមានអារម្មណ៍ថាខ្ញុំកំពុងទទួលបានក្តីស្រលាញ់ខ្លាំង។ ដើម្បីបង្ហាញពីការដឹងគុណរបស់ខ្ញុំ។ ខ្ញុំ​ចង់​បរិច្ចាគ​ក្នុង​នាម​អ្នក​គាំទ្រ ខ្ញុំ​នឹង​បន្ត​ធ្វើ​ការ​ចែក​រំលែក ​ដើម្បី​ឱ្យ​ខ្ញុំ​ក្លាយ​ជា​តារា​សម្តែង​ដ៏​មាន​មោទនភាព​ចំពោះ​អ្នក​គាំទ្រផង​ដែរ។”

សូមបញ្ចាក់ថា Kim Go-eun បានបង្ហាញខ្លួនជាលើកដំបូងក្នុងឆ្នាំ ២០១២ ជាមួយរឿង ‘Eungyo’ ហើយត្រូវបានសាធារណជនស្រឡាញ់ចូលចិត្ត ដោយការបង្ហាញខ្លួនក្នុងការងារជាច្រើនរួមទាំងរឿងភាគដែលទើបបញ្ចប់ថ្មីៗនេះរបស់ទូរទស្សន៍ TVN មានចំណងជើងថា ‘Little Women’ ​ដែលទទួលបានការគាំទ្រយ៉ាងច្រើនផងដែរ៕

ប្រែសម្រួល៖នាងតូច

ចុចអាន៖YouTuber ម្នាក់ ទម្លាយមូលហេតុពីការឡើងទម្ងន់យ៉ាងឆាប់រហ័ស របស់ Park Bom

ចុចអាន៖ ក្រុមច្រៀង OMEGA X រងអំពើហិង្សាពីនាយកប្រតិបត្តិផលិតកម្ម