YouTuber ម្នាក់ ទម្លាយមូលហេតុពីការឡើងទម្ងន់យ៉ាងឆាប់រហ័ស របស់ Park Bom

ក្រោយពី Park Bom សម្តែងក្នុងកម្មវិធី ‘2022 POPSTIVAL’ នៅប្រទេសហ្វីលីពីនកាលពីថ្ងៃទី ២១ ខែតុលាកន្លងទៅនេះ មានអ្នកគាំទ្រជាច្រើនភ្ញាក់ផ្អើលជាមួយរូបរាង​ឡើង​ទម្ងន់​យ៉ាង​ឆាប់​រហ័ស​របស់​​នាង ខណៈ​ YouTuber ម្នាក់ ទម្លាយមូលហេតុនៃការឡើង​ទម្ងន់។

YouTuber រូបនោះមានឈ្មោះថា Lee Jin Ho ជាអតីតអ្នកធ្វើកម្មវិធីកម្សាន្ត បានបង្ហោះវីដេអូពន្យល់ការឡើង​ទម្ងន់គឺ បណ្តាលមកពីជំងឺ Attention Deficit Disorder (ឫហៅកាត់ថាADD) ដែលជំងឺនេះធ្វើឲ្យនាងមិនអាចគ្រប់គ្រងទម្លាប់នៃការញ៉ាំរបស់នាងបាន ។

បន្ថែមពីលើនេះលោក Lee Jin Ho ក៏បានសួរអតីតបុគ្គលិករបស់ YG Entertainment ហើយពួកគេនិយាយ ថា វាពិបាកក្នុងការគ្រប់គ្រងទម្លាប់នៃការញ៉ាំនាង។ ជាពិសេសនៅពេលដែល Park Bom ស្ត្រេស នាងចូលចិត្តញ៉ាំច្រើន ដូច្នេះវាពិបាកសម្រាប់នាងក្នុងការមើលទម្ងន់របស់នាង។ ទន្ទឹមនឹងនេះ អ្នកគាំទ្រ Park Bom ជាច្រើន បញ្ចេញមតិនៅលើវីដេអូ សម្តែងពីការព្រួបារម្ភអំពីសុខភាពរបស់នាង ចំពោះរឿងមួយនេះ។

យ៉ាងណាមិញ ភ្នាក់ងាររបស់ Park Bom បានឆ្លើយតបនឹងសំឡេងនៃការព្រួយបារម្ភនេះ ដោយបញ្ចាក់ថា”នាងមិនមានបញ្ហាសុខភាពទេ។ នាងទើបតែឡើងទម្ងន់តាំងពីនាងស្ថិតក្នុងអំឡុងពេលផ្អាកសកម្មភាពមួយរយៈប៉ុណ្ណោះ ហើយឥលូវនេះ នាងចាប់ផ្តើមហាត់ប្រាណក៏ដូចជាតមអាហារផងដែរ”៕

ប្រែសម្រួល៖នាងតូច

ចុចអាន៖ ក្រុមច្រៀង OMEGA X រងអំពើហិង្សាពីនាយកប្រតិបត្តិផលិតកម្ម

ចុចអាន៖អតីតតួឯកស្រីរឿង “កំផែងស្នេហ៍ដួងចន្ទ” រងការរិះគន់ លើឈុតពណ៌ស្វាយស្លៀកក្នុងកម្មវិធីធំមួយ