ព័ត៌មានជាតិ
ផ្លូវលេខ២៨៥ នៅខណ្ឌទួលគោក បានអ៊ុតកៅស៊ូរួចរាល់ជាស្ថាពរហើយ
កំណាត់ផ្លូវលេខ២៨៥ប្រវែង៤៩០ម៉ែត្រ ទទឹង៨ម៉ែត្រកន្លះ ក្នុងសង្កាត់បឹងកក់ទី១ ខណ្ឌទួលគោក បានឈានដល់ដំណាក់កាលអ៊ុតកៅស៊ូបញ្ចប់ហើយ បើគិតត្រឹមថ្ងៃអាទិត្យទី០៣ មករាឆ្នាំ២០២១ម្សិលមិញ ក្រោយពីបានដំណើរការធ្វើគ្រឹះបានរួចរាល់ ដែលជាផ្នែកមួយនៃការកែលំអហេដ្ឋារចនាសម្ព័ន្ធផ្លូវថ្នល់ ក្នុងខណ្ឌទួលគោក ដែលត្រូវស្តារឡើងវិញជាបន្ទាន់ក្រោយទទួលរងជំនន់ទឹកភ្លៀង។
អាជ្ញាធរខណ្ឌទួលគោកបានឲ្យដឹងថា អនុវត្តតាមការណែនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ ផ្លូវចំនួន៧ខ្សែក្នុងភូមិសាស្ត្រ ខណ្ឌទួលគោកនឹងត្រូវធ្វើការជួសជុលកែលំអឡើងវិញ ក្រោយជំនន់ទឹកភ្លៀង ដើម្បីសម្រួលការធ្វើដំណើររបស់ប្រជាពលរដ្ឋ កាត់បន្ថយការកកស្ទះចរាចរ ក៏ដូចលើកកម្ពស់សោភណភាពរាជធានីភ្នំពេញ ផងដែរ។
មានផ្លូវជាច្រើនខ្សែរួច មកហើយដែលរដ្ឋបាលរាជធានីភ្នំពេញ បានដំណើរការជួសជុលកែលំអឡើងវិញក្នុងចំណោមផ្លូវទាំង២៩ខ្សែ ដែលត្រូវស្តារឡើងវិញ បន្ទាប់ពីខូចខាតដោយជំនន់ទឹកភ្លៀងនាពេលកន្លងមក។ ក្នុងនោះមានផ្លូវខ្លះ ត្រូវធ្វើគ្រឹះជាថ្មី ផ្លូវខ្លះអ៊ុតកៅស៊ូជាថ្មីជាដើមទៅតាមស្តង់ដារបច្ចេកទេស។ ផ្លូវលេខ២៨៥ក្នុងសង្កាត់បឹងកក់ទី១ ដែលបានអ៊ុតកៅស៊ូ បញ្ចប់នាពេលនេះ គឺជាកំណាត់ផ្លូវមួយតភ្ជាប់ពីផ្លូវលេខ៥១៦ទៅផ្លូវលេខ៦០៨ ដែលមានតួនាទីសំខាន់ក្នុងការរួមចំណែករំដោះចរាចរក្នុងភូមិសាស្ត្រខណ្ឌទួលគោក នឹងភ្ជាប់ទៅផ្លូវលេខ៧០(ទំនប់ទួលគោក)។
ប្រជាពលរដ្ឋរស់នៅអមសងខាងផ្លូវខាងលើ បានថ្លែងអំណរគុណយ៉ាងជ្រាលជ្រៅដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក ឃួង ស្រេង អភិបាលនៃគណៈអភិបាលរាជធានីភ្នំពេញ ដែលបានគិតគូរពីសុខទុក្ខនិងការលំបាករបស់ប្រជាពលរដ្ឋក្នុងរាជធានីភ្នំពេញ ដែលបានកំណត់យកចំណុចអាទិភាពជាច្រើនដោះស្រាយ ជូនប្រជាពលរដ្ឋ ធ្វើឲ្យការរស់នៅនិងការប្រកបរបរស៊ី ការធ្វើអាជីវកម្មផ្សេងៗរបស់ប្រជាពលរដ្ឋកាន់តែងាយស្រួល ដែលជាសមិទ្ធផលបានមកពីនយោបាយឈ្នះឈ្នះរបស់សម្តេចតេជោ ធ្វើឲ្យប្រទេសជាតិមានសុខសន្តិភាព មានការអភិវឌ្ឍន៍ដែលជាតម្រូវការមូលដ្ឋានរបស់ប្រជាពលរដ្ឋ៕
អត្ថបទ៖ ស្រីរ័ត្ន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ