ព័ត៌មានអន្ដរជាតិ

លោក Zelensky ដាក់លក្ខខណ្ឌ ៣ ចំណុចសម្រាប់ការចរចាសន្តិភាពជាមួយ រុស្ស៊ី

បានផុស

៤ years មុន

នៅ

ថ្ងៃព្រហស្បតិ៍ ១០ វិច្ឆិកា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បានដាក់លក្ខខណ្ឌចំនួន ៣ ចំណុចសម្រាប់ការបន្តការចរចាសន្តិភាពជាមួយរដ្ឋាភិបាលប្រទេសរុស្ស៊ី ។

លោក Zelensky បានបញ្ជាក់ថា លក្ខខណ្ឌ ៣ ចំណុចសម្រាប់ការចូលតុចរចារួមមាន “ការស្ដារបូរណភាពទឹកដី, សំណងសម្រាប់ការខូចខាតទាំងអស់ដែលបណ្ដាលមកពីសង្គ្រាម និងការដាក់ទោសឧក្រិដ្ឋជនសង្គ្រាមគ្រប់រូប” ។

លោក Zelensky បាននិយាយនៅក្នុងសារវីដេអូមួយកាលពីពេលថ្មីៗនេះថា អ៊ុយក្រែនបានស្នើម្តងហើយម្តងទៀតនូវការចរចាសន្តិភាព ប៉ុន្តែរុស្ស៊ីតែងតែឆ្លើយតបមកវិញនូវការវាយប្រហារភេរវកម្មថ្មីៗ ការបាញ់ផ្លោង ឬការគំរាមកំហែងសាហាវៗគ្រប់ទម្រង់ ។

ស្របពេលជាមួយគ្នានេះ លេខាធិការក្រុមប្រឹក្សាសន្តិសុខ និងការពារជាតិអ៊ុយក្រែន លោក Oleksiy Danilov ក៏បានបង្ហោះសារនៅលើបណ្ដាញ Twitter ផងដែរថា បូរណភាពទឹកដីត្រូវតែស្ដារឡើងវិញ មុនពេលការចរចាណាមួយជាមួយរុស្ស៊ី ព្រោះវាជាភាពចាំបាច់បំផុតរបស់អ៊ុយក្រែន ។

គួររំឭកថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតីរុស្ស៊ី វ្ល៉ាឌីមៀរ ពូទីន ចាត់ទុកជា “ប្រតិបត្តិការយោធាពិសេស” បានអូសបន្លាយពេលជិត ៩ ខែហើយ បន្ទាប់ពីផ្ទុះការវាយលុកលើរដ្ឋាភិបាលទីក្រុងកៀវកាលពីថ្ងៃទី២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មុនមក កម្ពុជា រដ្ឋមន្ត្រីការបរទេស អ៊ុយក្រែន បង្ហោះសារខ្លីមួយ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា