ព័ត៌មានអន្ដរជាតិ
ភ្នំភ្លើងសកម្ម ធំបំផុតលើពិភពលោក បានផ្ទុះឡើងហើយ
ភ្នំភ្លើងសកម្មដ៏ធំបំផុតរបស់ពិភពលោកឈ្មោះ Mauna Loa លើកោះហាវ៉ៃ បានផ្ទុះឡើងជាលើកដំបូងក្នុងរយៈពេលជិត៤០ឆ្នាំ។
កម្អែភាគច្រើនស្ថិតនៅលើកំពូលភ្នំ ប៉ុន្តែប្រជាពលរដ្ឋ ត្រូវបានគេប្រាប់ឲ្យប្រុងប្រយ័ត្ន ហើយត្រូវបានព្រមានជាមុនអំពីហានិភ័យនៃការធ្លាក់ផេះ។
សេវាភូគព្ភសាស្ត្រអាមេរិក (USGS) បាននិយាយថា ស្ថានភាពអាចផ្លាស់ប្តូរយ៉ាងឆាប់រហ័ស។
កម្រិតប្រកាសអាសន្នរបស់ភ្នំភ្លើង ក៏ត្រូវបានដំឡើងពី “ការប្រឹក្សា” ទៅ “ការព្រមាន” ដែលជាកម្រិតខ្ពស់បំផុតផងដែរ។
មន្ត្រីសង្គ្រោះបន្ទាន់និយាយថា មិនមានការបញ្ជាជម្លៀសចេញទេ ហើយតំបន់ដែលមានប្រជាជន ទំនងជាមិនរងផលប៉ះពាល់ឡើយ នៅដំណាក់កាលនេះ។
Mauna Loa ដែលមានទីតាំងនៅខាងក្នុងឧទ្យានជាតិភ្នំភ្លើង ហាវ៉ៃ បានគ្របដណ្តប់ពាក់កណ្តាលនៃកោះដ៏ធំរបស់រដ្ឋ សហរដ្ឋអាមេរិក។ ភ្នំភ្លើងនេះមានកម្ពស់ ៤១៦៩ម៉ែត្រ ពីលើនីវ៉ូទឹកសមុទ្រ និងលាតសន្ធឹងលើផ្ទៃដីជាង ៥១៧៩គីឡូម៉ែត្រការ៉េ។
យោងតាម USGS, ភ្នំភ្លើង Mauna Loa បានផ្ទុះឡើងចំនួន ៣៣ ដងចាប់តាំងពីឆ្នាំ ១៨៤៣មក។ ការផ្ទុះលើកមុនក្នុងឆ្នាំ១៩៨៤ បានធ្វើឲ្យកម្អែភ្នំភ្លើងហូរក្នុងចម្ងាយ ៥ម៉ាយល៍ ពីទីក្រុង Hilo ដែលជាទីក្រុងមានប្រជាជនច្រើនបំផុតរបស់កោះនេះ។
ប៉ុន្តែចំនួនប្រជាជននៅលើកោះដ៏ធំមួយនេះ បានកើនឡើងទ្វេដងចាប់តាំងពីឆ្នាំ ១៩៨០មក ដល់ប្រហែល ២០០ ០០០នាក់ ហើយទីភ្នាក់ងារការពារជនស៊ីវិលរបស់រដ្ឋហាវ៉ៃ បានព្រមានថា អ្នកស្រុកអាចប្រឈមមុខនឹង “គ្រោះមហន្តរាយភ្នំភ្លើង”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ ភ្នំភ្លើង Sinabung ផ្ទុះខ្លាំងបំផុត បាញ់ផេះឡើងលើមេឃ កម្ពស់៥គីឡូម៉ែត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង