អគ្គសេនាធិការទ័ពវៀតណាម ជួបប្រជុំទ្វេភាគីជាមួយអគ្គបញ្ជាការកងទ័ពកម្ពុជា

អគ្គសេនាធិការកងទ័ពវៀតណាម នាយឧត្តមសេនីយ៍ ង្វៀន តឹនគឿន នៅថ្ងៃទី៣ ខែមិថុនា ឆ្នាំ២០២៥នេះ បានផ្ដើមទស្សនកិច្ចជាផ្លូវការនៅកម្ពុជា ដោយជួបកិច្ចប្រជុំទ្វេភាគីជាមួយនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ។

តបតាមការអញ្ជើញរបស់នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ លោកនាយឧត្តមសេនីយ៍ ង្វៀន តឹនសឿង អនុរដ្ឋមន្ត្រីក្រសួងការពារប្រទេស និងជាប្រធានអគ្គសេនាធិការកងទ័ពប្រជាជនវៀតណាម បានដឹកនាំគណៈប្រតិភូមកបំពេញទស្សនកិច្ចផ្លូវការនៅកម្ពុជា ចាប់ពីថ្ងៃទី៣ ដល់ថ្ងៃទី៦ ខែមិថុនា ឆ្នាំ២០២៥។

ដូចការគ្រោទុក មកដល់កម្ពុជា នាថ្ងៃទី៣ ខែមិថុនានេះ នាយឧត្តមសេនីយ៍ ង្វៀន គឺនគ្រឿង បានដឹកនាំកិច្ចប្រជុំទ្វេភាគីជាមួយនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ដោយផ្តោតការពិភាក្សាជាសំខាន់លើការពង្រឹង និងពង្រីកចំណងសាមគ្គីភាព មិត្តភាព កិច្ចសហប្រតិបត្តិការរវាង កងទ័ពនៃប្រទេសទាំងពីរ។

ក្នុងដំណើរទស្សនកិច្ចនេះ នាយឧត្តមសេនីយ៍ អនុរដ្ឋមន្ត្រីការពារជាតិវៀតណាម នឹងចូលជួបសម្តេចតេជោ ហ៊ុន សែន ប្រធានព្រឹទ្ធសភា សម្តេចធិបតី ហ៊ុន ម៉ាណែត នាយករដ្ឋមន្ត្រី និងលោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។

បន្ថែមពីនេះ លោក ក៏នឹងទៅដាក់កម្រងផ្កាគោរពវិញ្ញាណក្ខន្ធនៅស្តូបមិត្តភាពកម្ពុជា-វៀតណាម ទស្សនកិច្ចសាលាហ្វឹកហ្វឺន យោធភូមិភាគទី៤ និងទស្សនាប្រាសាទមួយចំនួនក្នុងខេត្តសៀមរាប៕