ជីវិតកម្សាន្ដ

ប៉ូលិសកំពុងត្រៀមដីកាកោះហៅតារាសម្ដែង Baifern Pimchanok

បានផុស

៤ years មុន

នៅ

ថ្ងៃសៅរ៍ ១០ ធ្នូ ២០២២

ដោយ

ប៉ូលិសគ្រោងនឹងចេញដីកាកោះហៅតារាសម្ដែង Baifern Pimchanok បន្ទាប់ពីរកឃើញថា នាងទន្ទ្រានព្រៃបម្រុង ក្នុងខេត្តណាន ខណៈមហាជនជាច្រើនមានការភ្ញាក់ផ្អើលជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី៩ ខែធ្នូ ឆ្នាំ២០២២ សមត្ថកិច្ចនគរបាលត្រៀមចេញដីកាកោះហៅតារាសម្ដែងល្បីឈ្មោះ Baifern Pimchanok មកផ្តល់សក្ខីកម្មជាបន្ទាន់ លើការពិនិត្យកន្លែងស្នាក់នៅរបស់នាងកាលពីកន្លងទៅនេះ ដែលស្ថិតក្នុងរមណីយដ្ឋានប្រណីតមួយនៅភូមិសាបាន នៅតំបន់ទេសចរណ៍សាផាន-បូក្លឿ ស្រុកបូក្លឿ ខេត្តណាន ដែលបានបានទន្ទ្រានយកដីព្រៃបម្រុងជាតិ Doi Phu Kha និងព្រៃ Pha Daeng។

មូលហេតុដែលប៉ូលិសកោះហៅ Baifern Pimchanok ព្រោះនាងជាប់ពាក់ព័ន្ធនឹងតំបន់ហាមឃាត់ ដែលធ្លាប់ថតបង្ហោះលើបណ្ដាញសង្គមកន្លងមក។ ជាពិសេតំបន់នេះបានប្រកាសហាមឃាត់ជនណាម្នាក់ មិនឲ្យចូលទៅ ឬធ្វើសកម្មភាពណាមួយឡើយ។ ប៉ុន្តែប្រតិបត្តិកររមណីយដ្ឋានមិនអើពើទេ បានបំពានសេចក្តីប្រកាស នៅតែបើកសម្រាប់ភ្ញៀវទេសចរ ការផ្តល់សេវាកក់តាមរយៈប្រព័ន្ធផ្សព្វផ្សាយសង្គម ហើយប្រើឈ្មោះបុគ្គលល្បី ដើម្បីក្លែងបន្លំ និងបង្កើតភាពជឿជាក់។

**រូបភាពដែលនាងធ្លាប់បង្ហោះលើបណ្ដាញសង្គម IG**

ឧត្តមសេនីយ Piyapan Pattarapongsin ស្នងការនគរបាលខេត្តណាន បានឲ្យដឹងថា ពីករណីនេះ មានរូបភាពមួយ ដែលប្រើក្នុងការផ្សាយពាណិជ្ជកម្ម ដែលតារាស្រី Baifern បានស្នាក់នៅកន្លែងខុសច្បាប់រហូតឈានចេញចេញដីកាកោះហៅ Baifern សុំឲ្យនាងបកស្រាយ ថាតើមានការពាក់ព័ន្ធនឹងចលនាទន្ទ្រានយកដីព្រៃបម្រុងឬអត់។

ទោះយ៉ាងណា វាស្ថិតនៅក្នុងការពង្រីកលទ្ធផល ដើម្បីស្វែងរកការទាក់ទងនឹងអ្នកនៅពីក្រោយខ្នង ដើម្បីចាត់វិធានការតាមផ្លូវច្បាប់ ចំពោះអ្នកដែលពាក់ព័ន្ធ ប្រសិនបើរកឃើញថា Baifern ពិតជាបានជួយផ្សាយពាណិជ្ជកម្មនេះតាមរយៈរូបភាពមែន នាងអាចនឹងមានទោសទៅតាមច្បាប់៕

ប្រែសម្រួល៖ សាង ស្រីល័ក្ខ

ចុចអាន៖អ្នកលេងអ៊ីនធឺណិតស្រឡាំងកាំង ក្រោយ Janie ទម្លាយអាថ៌កំបាំងសម្រកទម្ងន់របស់នាង