រកឃើញមូលហេតុ ធ្វើឲ្យកង្កែបកញ្ចក់មានខ្លួនថ្លា

កង្កែបកញ្ចក់ ជាប្រភេទកង្កែបស្ថិតនៅក្នុងគ្រួសារ Centrolenidae មានដើមកំណើតក្នុងព្រៃនៃអាមេរិកកណ្ដាល និងខាងត្បូង ។ វាទទួលបានឈ្មោះនេះមកពីស្បែក និងសាច់ដ៏ថ្លារបស់វាធ្វើឲ្យយើងមើលឃើញគ្រឿងក្នុងទាំងមូលដោយមិនចាំបាច់វះកាត់ឡើយ។ ថ្មីៗនេះអ្នកស្រាវជ្រាវបានរកឃើញពីមូលហេតុដ៏អស្ចារ្យមួយ នាំឲ្យកង្កែបមានពណ៌ថ្លាបំភាន់ភ្នែកជាមួយនឹងបរិស្ថានដូចតទៅ ៖ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលកង្កែបកញ្ចក់ដេក ពួកវាបញ្ចេញចោល ៨៩ភាគរយនៃពណ៌គ្រាប់ឈាមទៅកាន់ថង់គ្រីស្តាល់នៅក្នុងថ្លើមដែល​ឆ្លុះផ្លាត​ពន្លឺ​ចូល​មក​ធ្វើ​ឲ្យ​កង្កែប​មើលទៅ​​ឃើញថ្លា។ ដោយសារកោសិកាឈាមក្រហមរបស់ពួកគេបាត់ទៅៗ កង្កែបប្រែជាថ្លាជាងមុន ២ ទៅ ៣ដង ធ្វើឲ្យអ្នកវិទ្យាសាស្ត្រជឿថានេះជា វិធីកង្កែបការពារខ្លួនពីសត្រូវ ។ ទន្ទឹមនឹងការសិក្សាត្រូវនឹងពេលកង្កែបរកស៉ីយប់ ដូច្នេះអ្នកសិក្សាឈ្មោះ Delia ធ្វើការសិក្សាទាំងយប់ដូចគ្នាជាមួយនឹងឧបករណ៍ពិសោធន៍មួយហៅថា “មីក្រូទស្សន៍ថតរូប (photoacoustic microscopy)” ។ មីក្រូទស្សន៍ប្រភេទនេះអាចរកឃើញអេម៉ូក្លូប៊ីនដែលជា ប្រូតេអ៊ីនដឹកជញ្ជូនអុកស៊ីហ្សែនក្នុងឈាមផងដែរទើបក្រុមស្រាវជ្រាវបានរកឃើញថា កង្កែបកញ្ចក់កំពុងដេកមានអេម៉ូក្លូប៊ីនអុកស៊ីហ្សែនជាមធ្យម ៩៦,៦ ភាគរយក្នុងចរន្តឈាមច្រើនជាងពេលដែលវាសកម្ម ។

មិនត្រឹមតែគួរឱ្យចាប់អារម្មណ៍ប៉ុណ្ណោះទេ ជាក់ស្ដែងកង្កែបនេះអាចនាំទៅរកភាពជឿនលឿននៃឱសថរបស់មនុស្សទៀតផងព្រោះតែវាអាចពង្រីក-ពង្រួមសរសៃឈាមដែលមានឈាមកកដោយគ្មានបញ្ហា ជាពិសេសពេលមានរបួសឈាមកកធម្មតាមិនគួរឲ្យជឿមានន័យថា សត្វកង្កែបកញ្ចក់កំពុងផ្ទុកសារធាតុគីមីម្យ៉ាងដែលអ្នកស្រាវជ្រាវរកអស់រយៈច្រើនទស្សវត្សរ៍មកហើយ ៕

ប្រែសម្រួលដោយ ៖ វារី

ចុចអាន ៖ ទីបំផុតរកឃើញមូលហេតុបណ្ដាលឲ្យភ្នែកសត្វរមាំង ប្ដូរពណ៌នារដូវរងារហើយ